ബാത്റൂമിൽ ഇരുന്ന് അലറിക്കരയും, ഭർത്താവുമായി അകന്നു, ഇപ്പോൾ സിംഗിൾ മദർ: സയനോര

ഗായിക എന്ന നിലയിൽ ഏറെ ശ്രദ്ധിക്കപ്പെട്ട താരമാണ് സയനോര ഫിലിപ്പ്. വണ്ടർ വുമൺ എന്ന സിനിമയിലൂടെ താരം അഭിനയത്തിലും ചുവട് വെച്ചിരുന്നു. ഇപ്പോഴിതാ വ്യക്തിജീവിതത്തെ പറ്റി തുറന്ന് സംസാരിക്കുകയാണ് സയനോര.

2009ൽ ആണ് സയനോരയും ആൻ്റണി ഡിക്രൂസും തമ്മിൽ വിവാഹിതരായത്. ഇരുവർക്കും സെന ഡിക്രൂസ് എന്ന മകളുമുണ്ട്. ഇരുപത്തിയൊന്നാമത്തെ വയസിലാണ് ഞാൻ കുടുംബത്തിൻ്റെ ഉത്തരവാദിത്വം ഏറ്റെടുക്കുന്നത്. സഹോദരനുൾപ്പടെയുള്ളവർ തിരിച്ചും സഹായിച്ചിട്ടുണ്ട്. കൊവിഡ് സമയത്ത് നമ്മൾ പുറമെ കാണൂന്ന ലൈഫ് ആയിരിക്കില്ല. ആ സമയം റിലേഷൻഷിപ്പിൽ നിന്നും അകലുകയായിരുന്നു. ഞാനും മകളും കൊച്ചിയിലേക്ക് മാറി. കുറച്ച് കാലമായി സിംഗിൽ മദറാണ്.

സ്വയം നോക്കാൻ പറ്റുന്നില്ല, പിന്നെങ്ങനെ കുഞ്ഞിനെ നോക്കും എന്ന അവസ്ഥയിലായിരുന്നു. കുഞ്ഞുണ്ടായി 10-20 ദിവസം വലിയ ട്രോമയിലായിരുന്നു. എന്ത് ചെയ്യണമെന്ന് അറിയില്ലായിരുന്നു. ബാത്റൂമിൽ പോയി കരയുകയായിരുന്നു. എന്ത് ചെയ്യണമെന്ന് അറിയാതെ താൻ ബാത്റൂമിൽ അലറികരയുന്നത് കേട്ട് മമ്മിയൊക്കെ പേടിച്ചുപോയി. സയനോര പറഞ്ഞു.