സഹായികളില്ല..പരിവാരങ്ങളൊന്നുമില്ല,കുരുതി ചിത്രീകരണത്തിനിടയില്‍, മാമുക്കോയെ കുറിച്ച് സുപ്രിയ മേനോന്‍

പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയ മേനോന്‍ നിര്‍മ്മിച്ച ചിത്രമാണ് കുരുതി. സിനിമയുടെ ചിത്രീകരണ സമയത്ത് നിര്‍മാതാവ് ടീമിനൊപ്പം ഉണ്ടായിരുന്നു. നടന്‍ മാമുക്കോയയുടെ കൂടെ സമയം ചെലവഴിക്കാനും അദ്ദേഹത്തെ മനസ്സിലാക്കാനും സുപ്രിയക്ക് ആയത് ആ സമയത്താണ്. ആളും ബഹളവും പരിവാരങ്ങളും സഹായികളൊന്നും ഒന്നുമില്ലാതെ ചിത്രീകരണത്തിനായി എത്തിയ നടനെ അത്ഭുതത്തോടെയാണ് സുപ്രിയ നോക്കിക്കണ്ടത്. ഒരു സാധാരണ മനുഷ്യന്‍, അഭിനയത്തോടുള്ള ആഗ്രഹമാണ് ആ പ്രായത്തിലും മാമുക്കോയയെ കുരുതി എന്ന സിനിമയിലേക്ക് എത്തിച്ചത്.

'കുരുതിയുടെ സെറ്റില്‍ ചിത്രീകരണത്തിനിടയില്‍ അദ്ദേഹം ഇരിക്കുമ്പോഴാണ് ഞാന്‍ ഈ ചിത്രം എടുത്തത്. ബഹളമില്ല, സഹായികളില്ല, പരിവാരങ്ങളൊന്നുമില്ല, ജോലി ചെയ്യാനുള്ള ഏകമനസ്സോടെയുള്ള സമര്‍പ്പണം. എത്ര മനോഹരമായ ആത്മാവ്. സമാധാനത്തില്‍ വിശ്രമിക്കുകയും ചെയ്യുക സര്‍',-സുപ്രിയ മേനോന്‍ കുറിച്ചു.

കൊല്ലും എന്ന വാക്ക്.. കാക്കും എന്ന പ്രതിജ്ഞ' എന്ന ടാഗ്-ലൈനോടെ എത്തിയ സിനിമയില്‍ മുരളി ഗോപി, ഷൈന്‍ ടോം ചാക്കോ, മണികണ്ഠന്‍ രാജന്‍, മാമുക്കോയ, നവാസ് വള്ളിക്കുന്ന്, നാസ്ലിന്‍ ഗഫൂര്‍, സാഗര്‍ സൂര്യ, ശ്രിന്ദ എന്നിവരാണ് പ്രധാന വേഷങ്ങളില്‍ എത്തിയത്.നവാഗതനായ മനു വാര്യര്‍ സംവിധാനം ചെയ്യുന്ന ചിത്രത്തിന് അനീഷ് പിള്ളയാണ് കഥയെഴുതിയിരിക്കുന്നത്.