എന്റെ ബയോ‌പിക് സംഭവിച്ചാൽ സൂര്യയോ ദുൽഖറോ നായകനാവണം, കാരണം ഇത്: സുരേഷ് റെയ്‌ന

തന്റെ ജീവിതം എന്നെങ്കിലും വെള്ളിത്തിരയിൽ അവതരിപ്പിക്കുകയാണെങ്കിൽ അതിൽ ദുൽഖർ സൽമാൻ നായകനാവണമെന്നാണ് ആഗ്രഹമെന്ന് മുൻ ഇന്ത്യൻ താരം സുരേഷ് റെയ്‌ന. സൂര്യയോ ദുൽഖറോ തന്റെ വേഷം ചെയ്‌ത് കാണണം എന്നാണ് ആഗ്രഹമെന്ന് ഇൻസ്റ്റഗ്രാം ലൈവിനിടെ റെയ്‌ന പറഞു.

ബോളിവുഡ് താരങ്ങൾക്ക് പകരം സൗത്ത് ഇന്ത്യയിലെ സൂപ്പർ താരങ്ങളെ എന്തുകൊണ്ട് തിരെഞ്ഞെടുത്തു എന്നതിന് റെയ്‌നയ്ക്ക് കൃത്യമായ ഉത്തരമുണ്ട്. വികാരങ്ങളെ കൃത്യമായി ഉൾക്കൊള്ളാൻ സാധിക്കുന്നവരായിരിക്കണം എന്റ്എ വേഷം ചെയ്യേണ്ടത്. രാജ്യത്തിന് വേണ്ടിയോ ചെന്നൈ സൂപ്പർ കിംഗ്‌സിന് വേണ്ടിയോ കളിക്കുക എളുപ്പമല്ല. രണ്ട് ടീമുകളും എനിക്ക് എത്രമാത്രം വലുതാണെന്ന് തെന്നിന്ത്യൻ താരങ്ങൾക്ക് മനസിലാകും. 

സൂര്യ എന്റെ വേഷത്തിൽ മികച്ചതായിരിക്കും എന്ന് എനിക്ക് ഉറപ്പുണ്ട്. ദുൽഖർ സൽമാനും അഭിനയത്തിൽ വലിയ മികവ് കാണിക്കുന്നു. ചെന്നൈ ആരാധകരുടെ സ്വന്തം ചിന്ന‌ത്തല പറഞ്ഞു. എന്തായാലും ബോളിവുഡ് താരങ്ങൾക്ക് പിന്നാലെ പോകാതെയുള്ള റെയ്‌നയുടെ മറുപടി സിനിമാലോകത്ത് തന്നെ ചർച്ചയായിരിക്കുകയാണ്.