അയ്യപ്പനും കോശിയും തമിഴ് റീമേക്കില്‍ സൂര്യയും കാര്‍ത്തിയും !

മലയാളത്തിലെ മെഗാഹിറ്റ് ചിത്രം ‘അയ്യപ്പനും കോശിയും’ തമിഴിലേക്ക് റീമേക്ക് ചെയ്യുന്ന വിവരം നേരത്തേ തന്നെ പുറത്തുവന്നതാണല്ലോ. പ്രശസ്ത നിര്‍മ്മാതാവ് കതിരേശനാണ് ഈ സിനിമയുടെ തമിഴ് നിര്‍മ്മാണ അവകാശം സ്വന്തമാക്കിയിരിക്കുന്നത്.

പുതിയ വിവരം അനുസരിച്ച് തമിഴ് സൂപ്പര്‍താരങ്ങളും സഹോദരങ്ങളുമായ സൂര്യയും കാര്‍ത്തിയും ‘അയ്യപ്പനും കോശിയും’ റീമേക്കില്‍ നായകന്‍‌മാരാകും. ബിജുമേനോന്‍ അവതരിപ്പിച്ച അയ്യപ്പനെ സൂര്യയും പൃഥ്വിരാജ് അവതരിപ്പിച്ച കോശിയെ കാര്‍ത്തിയും അവതരിപ്പിക്കുമെന്നാണ് റിപ്പോര്‍ട്ടുകള്‍.

തമിഴില്‍ കൂടാതെ തെലുങ്കിലും ഹിന്ദിയിലും ഈ സിനിമയുടെ റീമേക്കുകള്‍ വരുന്നുണ്ട്. അങ്ങനെ, സച്ചി സംവിധാനം ചെയ്‌ത ഈ ആക്ഷന്‍ എന്‍റര്‍‌ടെയ്‌നര്‍ രാജ്യം മുഴുവന്‍ വ്യാപിക്കുകയാണ്.