ഛത്തീസ്ഗഡില്‍ മമ്മൂട്ടിയുടെ ‘ഉണ്ട’; ഒരു അടിപൊളി പൊലീസ്!

മമ്മൂട്ടി നായകനാകുന്ന പുതിയ ചിത്രം ‘ഉണ്ട’യുടെ ചിത്രീകരണം ഛത്തീസ്ഗഡിലും ഝാര്‍ഖണ്ഡിലുമായി നടക്കും. ഖാലിദ് റഹ്‌മാന്‍ സംവിധാനം ചെയ്യുന്ന ചിത്രത്തില്‍ പൊലീസ് വേഷത്തിലാണ് മമ്മൂട്ടി എത്തുന്നത്.

‘ഉണ്ട’യുടെ ചിത്രീകരണം സെപ്റ്റംബറിലാണ് ആരംഭിക്കുക. ഇതിനുമുമ്പ് ഒരു മലയാള സിനിമയിലും കണ്ടിട്ടില്ലാത്ത ലൊക്കേഷനുകളില്‍ ചിത്രീകരിക്കുന്ന സിനിമ ബിഗ് ബജറ്റിലാണ് ഒരുങ്ങുന്നത്. ധാര്‍മ്മിക് ഫിലിംസാണ് ചിത്രം നിര്‍മ്മിക്കുന്നത്. 

‘അനുരാഗ കരിക്കിന്‍‌വെള്ളം’ എന്ന സൂപ്പര്‍ഹിറ്റ് സിനിമയ്ക്ക് ശേഷം ഖാലിദ് റഹ്‌മാന്‍ സംവിധാനം ചെയ്യുന്ന ഉണ്ട ഒരു മാസ് എന്‍റര്‍ടെയ്നറാണ്. മമ്മൂട്ടിക്കൊപ്പം തമിഴില്‍ നിന്നുള്ള ഒരു നായിക അഭിനയിക്കുമെന്നാണ് വിവരം.

ഹര്‍ഷദ് അലി തിരക്കഥയെഴുതുന്ന ഉണ്ടയില്‍ തകര്‍പ്പന്‍ ആക്ഷന്‍ രംഗങ്ങള്‍ ഉള്‍പ്പെടുത്തിയിട്ടുണ്ട്. ചിത്രം പഞ്ച് ഡയലോഗുകളും താമാശകളും നിറഞ്ഞ ഒരു ആഘോഷചിത്രം എന്നതിലുപരി ഒരു വിഷ്വല്‍ ട്രീറ്റും ആയിരിക്കും.