വടചെന്നൈയിൽ അല്ലു അർജുന് ഒരു പ്രധാന വേഷമുണ്ടായിരുന്നു: വെട്രിമാരൻ

ആടുകളത്തിന് ശേഷം തെലുങ്ക് സൂപ്പർതാരങ്ങളായ ജൂനിയർ എൻടിആർ, മഹേഷ് ബാബു എന്നിവർക്കൊപ്പം സിനിമ ചെയ്യാൻ പദ്ധതിയുണ്ടായിരുന്നുവെന്ന് വെളിപ്പെടുത്തി തെന്നിന്ത്യൻ സംവിധായകൻ വെട്രിമാരൻ. ധനുഷ് പ്രധാന കഥാപാത്രത്തെ അവതരിപ്പിച്ച വടചെന്നൈയിൽ ഒരു സുപ്രധാന കഥാപാത്രത്തെ അവതരിപ്പിക്കാൻ അല്ലു അർജുനെ സമീപിച്ചിരുന്നതായും സംവിധായകൻ വെളിപ്പെടുത്തി.

അന്ന് മനസിലുണ്ടായിരുന്ന സിനിമയല്ല ഇപ്പോളത്തേതെന്നും താൻ കഥയിൽ മാറ്റങ്ങൾ വരുത്തിയെന്നും വെട്രിമാരൻ പറയുന്നു. അല്ലു അർജുനെ വെച്ച് മറ്റൊരു സിനിമ ചെയ്യാൻ ആഗ്രഹിച്ചിരുന്നെന്നും തിരക്കഥയെല്ലാം പറഞ്ഞുകേൾപ്പിച്ചെങ്കിലും മറ്റ് കാരണങ്ങൾ മൂലം പ്രൊജക്ട് നടന്നില്ലെന്നും വെട്രിമാരൻ പറയുന്നു. അതേസമയം ജൂനിയർ എൻടിആറുമായി ഒരു പ്രൊജക്ടിൻ്റെ ആദ്യഘട്ടങ്ങളിലാണെന്നും തെലുങ്കിലാകും സിനിമയെന്നും വെട്രിമാരൻ വെളിപ്പെടുത്തി.