മലയാളത്തിലെ പ്രമുഖരായ അന്‍പതിലേറെ താരങ്ങള്‍,പത്തൊമ്പതാം നൂറ്റാണ്ട് ഇരുപത്തി രണ്ടാമത്തെ ക്യാരക്ടര്‍ പോസ്റ്റര്‍, വിശേഷങ്ങളുമായി വിനയന്‍

പത്തൊമ്പതാം നൂറ്റാണ്ട് ഒരുങ്ങുന്നു. ചിത്രത്തിലെ ഇരുപത്തി രണ്ടാമത്തെ ക്യാരക്ടര്‍ പോസ്റ്ററുമായി സംവിധായകന്‍ വിനയന്‍. നടന്‍ കൃഷ്ണ അവതരിപ്പിക്കുന്ന കല്യാണ കൃഷ്ണന്‍ എന്ന കഥാപാത്രത്തിന്റെ പോസ്റ്ററാണ് പുറത്തുവിട്ടിരിക്കുന്നത്. 

വിനയന്റെ വാക്കുകള്‍

പത്തൊന്‍പതാം നൂറ്റാണ്ടിന്റെ ഇരുപത്തി രണ്ടാമത്തെ character poster കല്യാണ കൃഷ്ണന്‍ എന്ന കഥാപാത്രത്തിന്‍േറതാണ്.. പത്തൊന്‍പതാം നൂറ്റാണ്ടിന്റെ മദ്ധ്യകാലത്ത് തിരുവിതാംകൂറിലെ ദിവാന്‍ പേഷ്‌കാരായിരുന്നു കല്യാണ കൃഷ്ണന്‍.. നടന്‍ കൃഷ്ണയാണ് കല്യാണ കൃഷ്ണനായി എത്തുന്നത്.....വിദേശ രാജ്യങ്ങളില്‍ ഉപരിപഠനം നടത്തി നാട്ടില്‍ തിരിച്ചെത്തിയ കല്യാണകൃഷ്ണന് തിരുവിതാംകൂറിലെ അധസ്ഥിതര്‍ നേരിടുന്ന തീണ്ടലും തൊടീലും, അയിത്തവുമൊക്കെഅവിശ്വസനീയമായ കാര്യങ്ങളായിരുന്നു.. 

 അതിനേക്കാളേറെ അദ്ദേഹത്തെ അത്ഭുതപ്പെടുത്തിയത് ആ അധസ്ഥിതര്‍ക്കു വേണ്ടി ജീവന്‍ തന്നെ ബലിയര്‍പ്പിച്ചു പോരാടിയ ആറാട്ടുപുഴ വേലായുധപ്പണിക്കര്‍ എന്ന മനുഷ്യന്‍ ആയിരുന്നു..

 വലിയ ധനികനും ഏറെ ഭൂസ്വത്തുക്കളുടെ ഉടമയുമായിരുന്ന വേലായുധന്‍ അതിനൊന്നും വലിയ പ്രാധാന്യം കൊടുക്കാതെ.. തന്റെ സഹജീവികളുടെ ജീവിത യാതനകള്‍ അകറ്റാന്‍ വേണ്ടി നടത്തുന്ന പോരാട്ടം കല്യാണ കൃഷ്ണനെ വേലായുധന്റെ ആരാധകനാക്കി.. ഒരു വശത്ത് തന്റെ കൂടെയുള്ള അധികാരികള്‍ വേലായുധനെ കൊല്ലാന്‍ നടക്കുമ്പോഴും മനസ്സു കൊണ്ട് വേലായുധനെ സ്‌നേഹിച്ച ദിവാന്‍ പേഷ്‌കാര്‍ കല്യാണകൃഷ്ണന്റെ വേഷം കൃഷ്ണ ഭംഗിയാക്കിയിട്ടുണ്ട്..

ശ്രീ ഗോകുലം മൂവീസിനു വേണ്ടി ഗോകുലം ഗോപാലന്‍ നിര്‍മ്മിക്കുന്ന പത്തൊന്‍പതാം നുറ്റാണ്ടില്‍ യുവനടന്‍ സിജു വില്‍സനാണ് വേലായുധപ്പണിക്കരെ അവതരിപ്പിക്കുന്നത്..ചെമ്പന്‍ വിനോദ് കായംകുളം കൊച്ഛുണ്ണിയേയും, അനുപ് നേനോന്‍ മഹാരാജാവിനേയും അവതരിപ്പിക്കുന്ന ഈ സിനിമയില്‍ മലയാളത്തിലെ പ്രമുഖരായ അന്‍പതിലേറെ താരങ്ങള്‍ അണിനിരക്കുന്നു..