ദുല്‍ഖറിന്റെ രാജകുമാരി സുന്ദരിയാണ് !

പിറന്നാള്‍ ദിനത്തില്‍ മകളുടെ ഫോട്ടോ പങ്കുവെച്ച് ദുല്‍ഖര്‍ !

മലയാളത്തിന്റെ പ്രിയ താരം ദുല്‍ഖര്‍ സല്‍മാന്റെ ആരാധകര്‍ ഏറെ നാളായി കാത്തിരുന്ന ആ ദിവസം വന്നെത്തിയിരിക്കുകയാണ്. ഇന്നലെ മുപ്പതാം പിറന്നാള്‍ ആഘോഷിച്ച ദുല്‍ഖറിന് ആരാധകരുടെ ആശംസ 

പ്രവാഹമായിരുന്നു. 

എന്നാല്‍ തന്നെ ആശംസിച്ച ആരാധകര്‍ക്ക് തിരിച്ച് താരം നല്‍കിയത് അതിലും വലിയ സമ്മാനമായിരുന്നു. ദുല്‍ഖറിന്റെ രാജകുമാരിയുടെ ഫോട്ടോ. ദുല്‍ഖറിന്റെയും ഭാര്യ അമാലിന്റെയും മകള്‍ മറിയം അമീറ സല്‍മാന്റെ കൂടെ നില്‍ക്കുന്ന ചിത്രമാണ് ഇപ്പോള്‍ പുറത്ത് വന്നിരിക്കുന്നത്. 

കഴിഞ്ഞ മേയ് 5 നായിരുന്നു ദുല്‍ഖറിന് കുഞ്ഞ് പിറന്നത്. അന്ന് ദുല്‍ഖറിന്റെ കുഞ്ഞെന്നു പറഞ്ഞ് ഒരു കുട്ടി സോഷ്യല്‍ മീഡിയല്‍ വൈറലായിരുന്നു. എന്നാല്‍ അത് ദുല്‍ഖറിന്റെ കുഞ്ഞായിരുന്നില്ല. ഇന്നലെയാണ് ദുല്‍ഖറിന്റെ രാജകുമാരിയുടെ ഫോട്ടോ ആദ്യമായി പുറത്ത് വിട്ടത്.