ബാഹുബലി പ്രഭാസ് ഇനി ലാലിനൊപ്പം! മലയാളികള്‍ ആവേശത്തില്‍ !

ഇന്ത്യന്‍ സിനിമയുടെ ചരിത്രത്തിലെ ഏറ്റവും വലിയ ഹിറ്റുകളില്‍ ബാഹുബലിയുടെ ഒന്നും രണ്ടും ഭാഗങ്ങള്‍ ഉണ്ട്. അത് പ്രഭാസ് എന്ന നടന്‍റെ വിജയം കൂടിയാണ്.

പ്രഭാസിന്‍റെ അടുത്ത സിനിമയുടെ ജോലികള്‍ പുരോഗമിക്കുകയാണ്. സാഹോ എന്ന് പേരിട്ടിരിക്കുന്ന ചിത്രം ഹിന്ദി, തമിഴ്, തെലുങ്ക്, മലയാളം ഭാഷകളില്‍ പുറത്തിറങ്ങും. സുജീത്ത് ആണ് ഈ സിനിമ സംവിധാനം ചെയ്യുന്നത്.

മലയാളത്തിന്‍റെ പ്രിയപ്പെട്ട സംവിധായകനും നിര്‍മ്മാതാവും മികച്ച നടനുമായ ലാല്‍ ഈ പ്രൊജക്ടില്‍ അഭിനയിക്കുന്നുണ്ട് എന്നതാണ് പുതിയ വാര്‍ത്ത. സാഹോയില്‍ സുപ്രധാനമായ ഒരു കഥാപാത്രത്തെയാണ് ലാല്‍ അവതരിപ്പിക്കുന്നത്.

അണ്ണാവരം, ഖതര്‍നാക് തുടങ്ങിയ തെലുങ്ക് സിനിമകളില്‍ നേരത്തേ ലാല്‍ അഭിനയിച്ചിട്ടുണ്ട്. ലാലിനെക്കൂടാതെ ജാക്കി ഷ്‌റോഫ്, നീല്‍ നിതിന്‍ മുഖേഷ്, ചുങ്കി പാണ്ഡേ, മന്ദിര ബേദി, മഹേഷ് മഞ്ജരേക്കര്‍, അരുണ്‍ വിജയ്, ടിന്നു ആനന്ദ് തുടങ്ങിയവരും സുപ്രധാന വേഷങ്ങളിലെത്തുന്നു.

ഈ ബിഗ് ബജറ്റ് ആക്ഷന്‍ ത്രില്ലറിന് സ്റ്റണ്ടുകള്‍ ഒരുക്കുന്നത് കെന്നി ബേറ്റ്സ് ആണ്. സംഗീതം ശങ്കര്‍ എഹ്സാന്‍ ലോയ്.