സ്റ്റീല്‍ പാത്രങ്ങള്‍ എങ്ങനെ സംരക്ഷിക്കാം

PRO

പാത്രങ്ങള്‍ എപ്പോഴും വൃത്തിയായി സൂക്ഷിക്കേണ്ടത് അത്യാവശ്യമാണ്. ഓരോ തരം പാത്രങ്ങള്‍ക്കും അതിനു യോജിക്കുന്നവ ഉപയോഗിച്ചു വേണം വൃത്തിയാക്കാന്‍. ഏതു തരം പാത്രങ്ങളും വൃത്തിയാക്കാന്‍ ചില എളുപ്പവഴികളുണ്ട്. സ്റ്റീല്‍ പാത്രങ്ങള്‍ എങ്ങനെ സംരക്ഷിക്കാം എന്നു നോക്കിയാല്ലോ..

1. ചായക്കറ കളയാന്‍: ഉമിക്കരിയും ഉപ്പുവെള്ളവും ചേര്‍ത്ത് തേച്ചാല്‍ സ്റ്റീല്‍ പാത്രങ്ങളിലെ ചായക്കറ അപ്രത്യക്ഷമാകും.

2. അടിയില്‍പിടിച്ചാല്‍: സ്റ്റീല്‍ പാത്രത്തിനടിയില്‍ ഭക്ഷണ സാധനങ്ങള്‍ കരിഞ്ഞു പിടിച്ച പാടുകള്‍ മാറുന്നതിനു പാത്രത്തില്‍ വെള്ളമൊഴിച്ച് സവാള അതിലിട്ട് തിളപ്പിച്ചാല്‍ മതി.

3. കറകള്‍: അലക്കുകാരം ചേര്‍ത്ത ചൂടുവെള്ളത്തില്‍ മുക്കി വച്ച് അര മണിക്കൂര്‍ കഴിഞ്ഞ് കഴുകിയാല്‍ പാത്രത്തിലെ കറകള്‍ മുഴുവനായും പോകും.

4. തിളക്കം കിട്ടാന്‍: ചാരം തേച്ച ശേഷം തുണിക്കൊണ്ട് തുടച്ചാല്‍ പാത്രങ്ങള്‍ക്ക് നല്ല തിളക്കം കിട്ടും.

5. എണ്ണക്കറ: ചായപിണ്ടിയോ (ചായമട്ട്) കാപ്പിപിണ്ടിയോ കൊണ്ട് തേച്ചാല്‍ എണ്ണക്കറ എളുപ്പത്തില്‍ കളയാനാകും.