രാജ്യത്ത് 24മണിക്കൂറിനിടെ കൊവിഡ് സ്ഥിരീകരിച്ചത് 69878 പേര്‍ക്ക്. ഇതോടെ ആകെ കൊവിഡ് ബാധിതരുടെ എണ്ണം 29.75 ലക്ഷമായി. ലോകത്ത് ഏറ്റവും കൂടുതല്‍ പ്രതിദിന രോഗബാധിത നിരക്ക് ഉള്ളത് ഇന്ത്യയിലാണ്. നിലവില്‍ 6.97ലക്ഷം പേരാണ് രാജ്യത്ത് ചികിത്സയിലുള്ളത്.
ഇന്നലെ 10.23ലക്ഷം സാമ്പിളുകളാണ് പരിശോധിച്ചത്. ഇതുവരെ രാജ്യത്ത് 3.44കോടി സാമ്പിളുകളാണ് പരിശോധിച്ചിട്ടുള്ളത്. മഹാരാഷ്ട്രയില്‍ മാത്രം ഇന്നലെ 14161പോസിറ്റിവ് കേസുകളാണ് റിപ്പോര്‍ട്ട് ചെയ്തത്. 339പേര്‍ രോഗം മൂലം മരണപ്പെടുകയും ചെയ്തു. ലോകത്ത് ഇന്ത്യ, അമേരിക്ക, ബ്രസീല്‍ എന്നീ രാജ്യങ്ങളിലാണ് കൊവിഡ് ശക്തമായി തുടരുന്നത്. 2.48ലക്ഷം പേര്‍ക്കാണ് ഇന്നലെ ലോകത്ത് കൊവിഡ് സ്ഥിരീകരിച്ചത്. 5834പേരാണ് രോഗം മൂലം മരണപ്പെട്ടത്.