കേരളം സ്വന്തം പണം കൊടുത്ത് വാങ്ങുന്ന ഒരു കോടി ഡോസ് കൊവിഷീൽഡ് വാക്‌സിന്റെ ആദ്യ ബാച്ച് കേരളത്തിലെത്തി. മൂന്നരലക്ഷം ഡോസ് വാക്‌സിനാണ് കൊച്ചിയിലെത്തിയത്.
പുനെ സിറം ഇൻസ്റ്റിറ്റ്യൂട്ടിൽ നിന്നാണ് വാക്‌സിൻ എത്തിയത്. ഇത് റീജിയണൽ കേന്ദ്രങ്ങളിലേക്ക് വിതരണം ചെയ്യും.
എറണാകുളം മഞ്ഞുമ്മലിലെ കേരള മെഡിക്കൽ കോർപറേഷൻ വെയർഹൗസിലെത്തിക്കുന്ന വാക്‌സിൻ ഇവിടെ നിന്ന് റീജിയണൽ കേന്ദ്രങ്ങളിലേക്ക് വിതരണം ചെയ്യും. ഗുരുതരമായ രോഗം ബാധിച്ചവർക്കും സമൂഹത്തിൽ കൂടുതൽ ഇടപെടലുകൾ നടത്തുന്നവർക്കും മാധ്യമപ്രവർത്തകർക്കും കച്ചവടസ്ഥാപനങ്ങളിലെ ജീവനക്കാർക്കുമൊക്കെയാണ് വാക്‌സിൻ നൽകുന്നതിന് ആദ്യ പരിഗണന നൽകുന്നത്.