ലോക ട്വന്റി-20യിലെ അതിവേഗ സെഞ്ച്വറി, ലോക ട്വന്റി-20യില്‍ ആദ്യ മല്‍സരത്തില്‍ രണ്ടാം തവണ സെഞ്ച്വറി, അന്താരാഷ്ട്ര ട്വന്റി-20യില്‍ ഏറ്റവുമധികം സിക്‌സര്‍ നേടിയ താരം എന്നീ റെക്കോര്‍ഡുകളാണ് ഗെയില്‍ വാംഖഡെ സ്റ്റേഡിയത്തില്‍ അടിച്ചിട്ടത്.
2007 ലോകകപ്പില്‍ വാന്‍ഡറേഴ്‌സ് സ്റ്റേഡിയത്തില്‍ ദക്ഷിണാഫ്രിക്കയ്‌ക്കെതിരെ ഗെയില്‍ സെഞ്ച്വറി നേടിയിരുന്നു. ആ ലോകകപ്പിലെ വെസ്റ്റിന്‍ഡീസിന്റെ ആദ്യ മത്സരം ആയിരുന്നു അത്. ടെസ്റ്റില്‍ ട്രിപ്പിള്‍ സെഞ്ച്വറിയും ഏകദിനത്തില്‍ ഡബിള്‍ സെഞ്ച്വറിയും ട്വന്റി-20യില്‍ സെഞ്ച്വറിയും നേടിയിട്ടുള്ള ഏക താരമാണ് ക്രിസ് ഗെയില്‍.