പന്ത് ചുരണ്ടല്‍ വിവാദത്തില്‍ വിലക്ക് നേരിടുന്ന ഓസ്‌ട്രേലിയന്‍ താരം ഡേവിഡ് വാര്‍ണര്‍ക്ക് തിരിച്ചടി. ഓസീസ് ടീമിലേക്ക് മടങ്ങിയെത്താന്‍ മാസങ്ങള്‍ മാത്രം അവശേഷിക്കെ പരുക്കേറ്റതാണ് താരത്തിനു തിരിച്ചടിയായത്.
ബംഗ്ലാദേശ് പ്രീമിയര്‍ ലീഗിനിടെ കൈമുട്ടിനാണ് വാര്‍ണര്‍ക്ക് പരുക്കേറ്റത്. താരത്തിന് ശസ്‌ത്രക്രിയയും വിശ്രമവും ആവശ്യമാണെന്നാണ് അധികൃതര്‍ വ്യക്തമാക്കുന്നത്. അതേസമയം, പരുക്ക് ഗുരുതര സ്വഭാവമുള്ളതല്ലെന്നാണ് റിപ്പോര്‍ട്ട്.