അഞ്ച് വർഷങ്ങൾക്ക് ശേഷം ഇന്ത്യയെ പിന്നിലാക്കി ഇംഗ്ലണ്ടിന്റെ മുന്നേറ്റം

ഐ സി സിയുടെ പുതിയ ഏകദിന റാങ്കിങ്ങിൽ ഇന്ത്യ രണ്ടാം സ്ഥാനത്തേക്ക് പിന്തള്ളപ്പെട്ടും. 125 പോയന്റുകളുമായി ഇംഗ്ലണ്ടാണ് ഓന്നാം സ്ഥാനത്ത്. രണ്ടാം സ്ഥാനത്തുള്ള ഇന്ത്യക്ക് 122 പോയന്റുകളാണ് ഉള്ളത്.

നീണ്ട അഞ്ച് വർഷങ്ങൾക്ക് ശേഷമാണ് ഇംഗ്ലണ്ട് ഐ സി സി റാങ്കിങ്ങിൽ ഒന്നാം സ്ഥാനം തിരിച്ചു പിടിക്കുന്നത്. അവസാനമായി 2013ലാണ് ഇംഗ്ലണ്ട് ഐ സി  സി റാങ്കിങ്ങിൽ ഒന്നാം സ്ഥാനത്തെത്തുന്നത്. 

113 പോയന്റുകളുമായി ദക്ഷിണാഫ്രിക്കയാണ് റാങ്കിങ്ങിൽ മൂന്നാം സ്ഥാനത്ത് ന്യൂസിലന്റ്, ഓസ്ട്രേലിയ എന്നീ ടീമുകൾ നാലും അഞ്ചും സ്ഥാനങ്ങളിലാണ് ഉള്ളത്. പാകിസ്താന്‍, ബംഗ്ലാദേശ്, ശ്രീലങ്ക, വെസ്റ്റിന്‍ഡീസ്, അഫ്ഗാനിസ്ഥാന്‍  എന്നീ രാജ്യങ്ങൾ ആദ്യ പത്ത് സ്ഥാനങ്ങളിൽ ഇടം പിടിച്ചിട്ടുണ്ട്. 

അതേസമയം ഐ സി സി ട്വന്റി 20 റാങ്കിങ്ങിൽ പാകിസ്ഥാൻ ഒന്നാം സ്ഥാനം നിലനിർത്തി. ഇന്ത്യ ഇതിൽ മൂന്നാം സ്ഥാനത്താണുള്ളത്. ഓസ്ട്രേലിയയാണ് ട്വന്റി 20 റാങ്കിങ്ങിൽ രണ്ടാം സ്ഥാനത്ത്.