'ഇതെന്താ മന്ത്രം ചൊല്ലുകയാണോ'; തൊട്ടടുത്ത പന്തില്‍ ഹാര്‍ദിക് പാണ്ഡ്യക്ക് വിക്കറ്റ്

സോഷ്യല്‍ മീഡിയയില്‍ ചര്‍ച്ചയായി ഹാര്‍ദിക് പാണ്ഡ്യ. പാക്കിസ്ഥാനെതിരായ മത്സരത്തില്‍ ഹാര്‍ദിക് വിക്കറ്റ് നേടിയ രീതിയാണ് ട്രോളന്‍മാര്‍ ഏറ്റെടുത്തിരിക്കുന്നത്. 13-ാം ഓവറിലെ രണ്ടാം പന്തില്‍ ഇമാം ഉള്‍ ഹഖ് ഹാര്‍ദിക്കിനെ ബൗണ്ടറി പായിച്ചിരുന്നു. അതിനു തൊട്ടുപിന്നാലെ അടുത്ത പന്തെറിയും മുന്‍പ് ബോള്‍ കൈയില്‍ പിടിച്ച് ഹാര്‍ദിക് മന്ത്രം ചൊല്ലി. കൈകള്‍ ചേര്‍ത്തുപിടിച്ച് ഉള്ളം കൈയില്‍ പന്ത് വെച്ച് ഹാര്‍ദിക് എന്തോ മന്ത്രിക്കുന്നത് വീഡിയോയില്‍ കാണാം. തൊട്ടടുത്ത പന്തില്‍ ഇമാം ഉള്‍ ഹഖിനെ ഹാര്‍ദിക് പുറത്താക്കുകയും ചെയ്തു.