ഒന്നെങ്കില്‍ ഗംഭീറിന്റെ കിളിപോയി, അല്ലെങ്കില്‍ ഉറച്ച തീരുമാനം, മൂന്നാം ടെസ്റ്റില്‍ ഹര്‍ഷിത് റാണ അരങ്ങേറ്റം കുറിക്കുമെന്ന് റിപ്പോര്‍ട്ട്

ന്യൂസിലന്‍ഡിനെതിരായ മൂന്നാം ടെസ്റ്റിനുള്ള ഇന്ത്യന്‍ ടീമില്‍ പേസര്‍ ഹര്‍ഷിത് റാണയെ ഉള്‍പ്പെടുത്തി. ടീമിന്റെ റിസര്‍വ് ലിസ്റ്റിലുണ്ടായിരുന്ന ഹര്‍ഷിതിനെ ഡല്‍ഹിയുടെ രഞ്ജി ട്രോഫി ടീമില്‍ നിന്നും റിലീസ് ചെയ്തിരുന്നു. ഇതിന് പിന്നാലെയാണ് മൂന്നാം ടെസ്റ്റിനായി താരത്തെ വിളിപ്പിച്ചത്. വരാനിരിക്കുന്ന ഓസ്‌ട്രേലിയക്കെതിരായ ബോര്‍ഡര്‍- ഗവാസ്‌കര്‍ ട്രോഫിയിലും ഹര്‍ഷിതിനെ ഉള്‍പ്പെടുത്തിയിട്ടുണ്ട്. 22കാരനായ താരം ഇന്ന് ടീമിനൊപ്പം ചേരും.

നവംബര്‍ ഒന്നിന് മുംബൈ വാങ്കഡെ സ്റ്റേഡിയത്തില്‍ ആരംഭിക്കുന്ന മൂന്നാം ടെസ്റ്റില്‍ ഹര്‍ഷിത് റാണ അരങ്ങേറ്റം കുറിക്കുമെന്ന റിപ്പോര്‍ട്ടുകളാണ് നിലവില്‍ വരുന്നത്. ഓസ്‌ട്രേലിയന്‍ പര്യടനത്തിന് മുന്‍പ് മൂന്നാം ടെസ്റ്റില്‍ ബുമ്രയ്ക്ക് ഇന്ത്യ വിശ്രമം നല്‍കിയേക്കും. ഈ ഒഴിവിലാകും ഹര്‍ഷിത് ടീമിലെത്തുക.