HBD Dhoni: ആ ഒരൊറ്റ സംഭവത്തിന് ശേഷം ഇന്ത്യയിൽ ഞാൻ വെറുക്കപ്പെട്ടവനായി: മാർട്ടിൻ ഗുപ്റ്റിൽ

2019ലെ ലോകകപ്പ് സെമി ഫൈനല്‍ മത്സരത്തില്‍ ധോനിയെ പുറത്താക്കിയ റണ്ണൗട്ട് വഴി ഇന്ത്യ മുഴുവന്‍ താന്‍ വെറുക്കപ്പെട്ടവനായി മാറിയെന്ന് ന്യൂസിലന്‍ഡ് താരം മാര്‍ട്ടിന്‍ ഗുപ്റ്റില്‍. സെമി ഫൈനല്‍ മത്സരത്തില്‍ ഇന്ത്യയുടെ അവസാന പ്രതീക്ഷ എം എസ് ധോനിയിലായിരുന്നു. എന്നാല്‍ മത്സരത്തിന്റെ നിര്‍ണായക ഘട്ടത്തില്‍ മാര്‍ട്ടിന്‍ ഗുപ്റ്റില്‍ എറിഞ്ഞ ത്രോയിലൂടെ താരം റണ്ണൗട്ടാവുകായായിരുന്നു. ഈ സംഭവത്തിന് ശേഷം ഇന്ത്യന്‍ ആരാധകരില്‍ നിന്നും ഭീഷണിയും വെറുപ്പും നിറഞ്ഞ മെയിലുകള്‍ കിട്ടുന്നത് പതിവായെന്ന് ഗുപ്റ്റില്‍ പറയുന്നു.

സെമിയിലെ ഒരു നിമിഷത്തില്‍ സംഭവിച്ച കാര്യമായിരുന്നു അത്. ആ സമയം എന്റെ നേര്‍ക്ക് പന്ത് വന്നപ്പൊള്‍ അതെടുത്ത് സ്റ്റമ്പിനെ ലക്ഷ്യമാക്കി എറിയുക മാത്രമായിരുന്നു എനിക്ക് ചെയ്യാനുണ്ടായിരുന്നത്. ഭാഗ്യത്തിന് എന്റെ ത്രോ നേരെ സ്റ്റമ്പില്‍ കൊണ്ടു. എന്നാല്‍ ആ സംഭവത്തിന് ശേഷം ഇന്ത്യ മുഴുവന്‍ എന്നെ വെറുത്തു. ഇപ്പോഴും ആ സംഭവത്തിന്റെ പേരില്‍ എനിക്ക് മെയിലുകള്‍ ലഭിക്കുന്നുണ്ട്. ലെജന്‍ഡ്സ് ലീഗ് ക്രിക്കറ്റ് കളിക്കാനായി ഇന്ത്യയിലെത്തിയപ്പോഴാണ് ഗുപ്റ്റില്‍ ഇതിനെ പറ്റി പറഞ്ഞത്.