വെസ്റ്റിന്‍ഡീസില്‍ പര്യടനത്തിനുള്ള ഇന്ത്യന്‍ ക്രിക്കറ്റ് ടീമിനെ സെലക്ഷന്‍ കമ്മറ്റി പ്രഖ്യാപിച്ചു. ഏകദിന, ടി20, ടെസ്റ്റ് പരമ്പരയ്ക്കായുള്ള മൂന്ന് ടീമുകളെയാണ് പ്രഖ്യാപിച്ചത്. വിരാട് കോഹ്ലി തന്നെ മൂന്ന് ഫോര്‍മാറ്റിലും നായ്കനാകും. പരിമിത ഓവര്‍ ഫോര്‍മാറ്റില്‍ ജസ്പ്രീത് ബുംറയ്ക്കും ഹാര്‍ദിക് പാണ്ഡ്യയ്ക്കും വിശ്രമം നല്‍കി. അവധി ആവശ്യപ്പെട്ട എംഎസ് ധോണിയെ പരിഗണിച്ചില്ല. ധോണി അറിയിച്ചതിനാൽ യുവതാരം ഋഷഭ് പന്ത് ഇന്ത്യയുടെ ഒന്നാം നമ്പർ വിക്കറ്റ് കീപ്പറായി ടീമിലെത്തി.
ലോകകപ്പിലെ മോശം പ്രകടനത്തിന്റെ അടിസ്ഥാനത്തില്‍ ദിനേഷ് കാര്‍ത്തിക്കിന് ടീമിൽ ഇടം പിടിക്കാനായില്ല. അതേസമയം, ശ്രേയസ് അയ്യര്‍, മനീഷ് പാണ്ഡ്യെ തുടങ്ങിയവർ ടീമിലെത്തിയിട്ടുണ്ട്. ഓഗസ്ത് 3നാണ് ഇന്ത്യയുടെ പരമ്പര ആരംഭിക്കുന്നത്.