ഒരൊറ്റ ഇന്ത്യൻ ബൗളർമാർക്ക് ലോകോത്തരം നിലവാരമില്ല, തുറന്നടിച്ച് മുൻ പാക് താരം

ലോകോത്തര നിലവാരത്തില്‍ ബൗള്‍ ചെയ്യുന്ന ഒരൊറ്റ ബൗളര്‍മാരും ഇന്ത്യയ്ക്കില്ലെന്ന് മുന്‍ പാക് താരം അഹമ്മദ് ഷെഹ്‌സാദ്. ചരിത്രപരമായി മികച്ച ബൗളര്‍മാരെ ഉത്പാദിപ്പിച്ചിട്ടുള്ള പാകിസ്ഥാനുമായി താരതമ്യം ചെയ്യുമ്പോള്‍ മികച്ച ബൗളര്‍മാരെ സൃഷ്ടിക്കുന്നതില്‍ ഇന്ത്യ പരാജയമാണെന്നും എന്നാല്‍ മികച്ച ബാറ്റര്‍മാരെ സൃഷ്ടിക്കുന്നതില്‍ ഇന്ത്യ വിജയമാണെന്നും ടീം മാനേജ്‌മെന്റില്‍ നിന്നും വലിയ പിന്തുണയാണ് ബാറ്റര്‍മാര്‍ക്ക് ലഭിക്കുന്നതെന്നും അദ്ദേഹം പറഞ്ഞു.

ഇന്ത്യന്‍ ബൗളര്‍മാരോട് അനാദരവില്ല. എന്നാല്‍ എതിരാളികള്‍ കളിക്കാന്‍ ഭയപ്പെടുന്ന അല്ലെങ്കില്‍ ഭീഷണിയാകുന്ന ബൗളര്‍മാര്‍ ഇന്ത്യയില്‍ നിന്നും ഉണ്ടായിട്ടില്ല. ബുമ്ര,ജഡേജ,അശ്വിന്‍ തുടങ്ങിയ മികച്ച ബൗളര്‍മാര്‍ അവര്‍ക്കുണ്ട്. എന്നാല്‍ അപകടകാരിയായ ഒരു ബൗളര്‍ ഉണ്ടായിട്ടില്ല. അവരുടെ ബാറ്റര്‍മാര്‍ പക്ഷേ അപകടകാരികളാണ് ഒരു പോഡ്കാസ്റ്റിനിടെ ഷെഹ്‌സാദ് പറഞ്ഞു.