Webdunia - Bharat's app for daily news and videos

Install App

സച്ചിനും കോലിയുമായി ഇപ്പോള്‍ താരതമ്യം ചെയ്യാന്‍ പറ്റില്ല, കാംബ്ലിക്ക് ഇതിനേക്കാള്‍ മികച്ച തുടക്കം ലഭിച്ചിരുന്നു; ഗില്ലിന്റെ പ്രകടനത്തെ കുറിച്ച് കപില്‍ ദേവ്

Webdunia
തിങ്കള്‍, 29 മെയ് 2023 (10:21 IST)
ശുഭ്മാല്‍ ഗില്ലിനെ സച്ചിന്‍ ടെന്‍ഡുല്‍ക്കറും വിരാട് കോലിയുമായി ഇപ്പോള്‍ താരതമ്യം ചെയ്യുന്നതില്‍ അര്‍ത്ഥമില്ലെന്ന് കപില്‍ ദേവ്. ഐപിഎല്‍ 2023 സീസണില്‍ 16 മത്സരങ്ങളില്‍ നിന്ന് 851 റണ്‍സാണ് ഗില്‍ ഇതുവരെ നേടിയിരിക്കുന്നത്. ഈ സീസണില്‍ മാത്രം ഗില്‍ മൂന്ന് സെഞ്ചുറി നേടി. അതിനു പിന്നാലെയാണ് വിരാട് കോലിക്ക് ശേഷമുള്ള അടുത്ത ഇന്ത്യന്‍ ലെജന്‍ഡ് ആകും ഗില്‍ എന്ന് ആരാധകര്‍ അഭിപ്രായപ്പെടാന്‍ തുടങ്ങിയത്. എന്നാല്‍ നിലവില്‍ അങ്ങനെയൊരു താരതമ്യത്തിനു സമയമായിട്ടില്ലെന്നാണ് കപില്‍ പറയുന്നത്. 
 
ഗില്‍ മികച്ച രീതിയില്‍ കളിക്കുന്നുണ്ടെങ്കിലും സുനില്‍ ഗവാസ്‌കര്‍, സച്ചിന്‍ ടെന്‍ഡുല്‍ക്കര്‍, വിരാട് കോലി എന്നിവരുമായി താരതമ്യം ചെയ്യാന്‍ സമയമായിട്ടില്ലെന്ന് കപില്‍ പറയുന്നു. വളരെ മികച്ചവന്‍ എന്ന് പറയണമെങ്കില്‍ ഇതുപോലെ അടുത്ത ഏതാനും സീസണുകളില്‍ കൂടി സ്ഥിരതയോടെ പ്രകടനം നടത്തണമെന്നാണ് കപില്‍ പറയുന്നത്. 
 
' സുനില്‍ ഗവാസ്‌കര്‍ വന്നു, സച്ചിന്‍ ടെന്‍ഡുല്‍ക്കര്‍ വന്നു, പിന്നെ രാഹുല്‍ ദ്രാവിഡ്, വിവിഎസ് ലക്ഷ്മണ്‍, വിരേന്ദര്‍ സെവാഗ്, വിരാട് കോലി എന്നിവരൊക്കെ വന്നു. ഇപ്പോള്‍ ഗില്‍ സമാന രീതിയില്‍ കളിക്കുന്നു. അവരുടെ പാതയാണ് ഗില്ലും പിന്തുടരുന്നത്. എന്നാല്‍ ഗില്ലിനെ കുറിച്ച് വലിയ എന്തെങ്കിലും പ്രതീക്ഷ പ്രകടിപ്പിക്കുന്നതിനു മുന്‍പ് ഒരു സീസണ്‍ കൂടി നോക്കണം. തീര്‍ച്ചയായും അദ്ദേഹത്തിനു നല്ല കഴിവുണ്ട്. പക്ഷേ വലിയ താരങ്ങള്‍ക്കൊപ്പം താരതമ്യം ചെയ്യാറായിട്ടില്ല,' 
 
' ഗവാസ്‌കറിനും സച്ചിനും കോലിക്കും ശേഷമുള്ള താരം എന്ന് പറയണമെങ്കില്‍ ഇതുപോലെ ഒരു സീസണ്‍ കൂടി ആവശ്യമാണ്. ഒന്നോ രണ്ടോ സീസണുകള്‍ക്ക് ശേഷമായിരിക്കും ബൗളര്‍മാര്‍ നമ്മുടെ കരുത്തും പോരായ്മകളും തിരിച്ചറിയുന്നത്. ഇതുപോലെ മൂന്നോ നാലോ സീസണുകള്‍ ഉണ്ടെങ്കില്‍ തീര്‍ച്ചയായും നമുക്ക് അദ്ദേഹത്തെ മികച്ച താരമെന്ന് വിളിക്കാം. നിലവിലെ മികച്ച ഫോം ഗില്‍ എത്ര കാലം തുടരുമെന്ന് നമുക്ക് നോക്കാം. അദ്ദേഹത്തിന്റെ കഴിവില്‍ എനിക്ക് സംശയമൊന്നും ഇല്ല. രാജ്യാന്തര കരിയറില്‍ വളരെ മികച്ച തുടക്കം ലഭിച്ച ആളാണ് വിനോദ് കാംബ്ലി. പക്ഷേ അദ്ദേഹത്തിനു സംഭവിച്ചത് എന്താണെന്ന് അറിയാമല്ലോ. നിലവിലെ അവസ്ഥയെ ഹാന്‍ഡില്‍ ചെയ്യാന്‍ ഗില്ലിന് സാധിക്കുമോ എന്നതാണ് ഇനിയുള്ള ചോദ്യം,' കപില്‍ പറഞ്ഞു. 
 

അനുബന്ധ വാര്‍ത്തകള്‍

വായിക്കുക

SRH vs RR: 300 പോലും അടിക്കാൻ കെൽപ്പുള്ള ഹൈദരാബാദ് ഇന്ന് രാജസ്ഥാനെതിരെ, രാജസ്ഥാൻ പാട് പെടും, ആവേശപ്പോരാട്ടം മൂന്നരയ്ക്ക്

Rajasthan Royals Probable Eleven: പരാഗിന് കീഴിൽ രാജസ്ഥാൻ ഇന്നിറങ്ങുന്നു, സഞ്ജുവിന് ടീമിൽ പുതിയ റോൾ, പ്ലേയിങ്ങ് ഇലവൻ എങ്ങനെ?

Krunal Pandya: 'ആളറിഞ്ഞു കളിക്കെടാ'; ആര്‍സിബി ജേഴ്‌സിയണിഞ്ഞ ആദ്യ കളിയില്‍ തിളങ്ങി ക്രുണാല്‍

Ajinkya Rahane: വെറുതെയല്ല ക്യാപ്റ്റനാക്കിയത്; ഈഡന്‍ ഗാര്‍ഡന്‍സില്‍ തീയായി രഹാനെ

India vs New Zealand, Champions Trophy Final 2025: നന്നായി സൂക്ഷിക്കണം, തോന്നിയ പോലെ അടിച്ചുകളിക്കാന്‍ പറ്റില്ല; ചാംപ്യന്‍സ് ട്രോഫി ഫൈനല്‍ ഏത് പിച്ചിലെന്നോ?

എല്ലാം കാണുക

ഏറ്റവും പുതിയത്

ബിസിസിഐ വാർഷിക കരാർ പ്രഖ്യാപനം ഉടൻ, കോലി, രോഹിത്, ജഡേജ എന്നിവരെ തരംതാഴ്ത്തിയേക്കുമെന്ന് റിപ്പോർട്ട്

തോൽവിയുടെ ഉത്തരവാദിത്തം ഏറ്റെടുക്കുന്നുവെന്ന് ഡോരിവൽ ജൂനിയർ, പകരക്കാരനായി ആഞ്ചലോട്ടി എത്തുമോ?

ജോലി, നാല് കോടി രൂപ, സ്ഥലം: ഏത് വേണമെങ്കിലും തെരെഞ്ഞെടുക്കാം, വിനേഷ് ഫോഗാട്ടിന് മുന്നിൽ ഓപ്ഷനുകൾ വെച്ച് ഹരിയാന സർക്കാർ

എട്ടാമനായി ഇറങ്ങി 10 പന്ത് കളിക്കാനാണെങ്കിൽ അവനെ 11 കോടി രൂപയ്ക്ക് എടുക്കണോ?, രാജസ്ഥാൻ റോയൽസിനെതിരെ രൂക്ഷവിമർശനവുമായി സൈമൺ ഡൂൾ

നായകനായി ആദ്യ 2 കളികളിലും തോൽവി, അടുത്തതിലും തോറ്റാൽ സമ്പൂർണ്ണ തോൽവിയെന്ന നാണക്കേടും പരാഗിന് സ്വന്തം

അടുത്ത ലേഖനം
Show comments