സാരിയിൽ ബാറ്റും കയ്യിലേന്തി മിതാലി രാജ്, ഫൈനലിന് മുൻപ് ഇന്ത്യൻ ടീമിനെ പ്രചോദിപ്പിച്ച് വീഡിയോ

ഐസിസി വനിത ടി20 ലോകകപ്പ് ഫൈനലിന് മുൻപ് ടീം ഇന്ത്യക്ക് ആശംസകളുമായി ഇതിഹാസ ഇന്ത്യൻ താരം മിതാലി രാജ്. വനിത ക്രിക്കറ്റ് സംഘത്തിന് പ്രചോദനമാവാൻ സാരിയിൽ ബാറ്റ് ചെയ്തുകൊണ്ടാണ് മിതാലി ആശംസയുമായി രംഗത്തെത്തിയത്. ഇൻസ്റ്റഗ്രാമിൽ മിതാലി രാജ് പങ്കുവെച്ച വീഡിയോ ഇതിനോടകം വൈറലായിരിക്കുകയാണ്.

2017 ലോകകപ്പില്‍ ടീം ഇന്ത്യയെ ഫൈനലിലെത്തിച്ച നായികയാണ് മിതാലി രാജ്. ആദ്യമായി അന്താരാഷ്ട്ര ക്രിക്കറ്റിൽ 6,000 റൺസ് പിന്നിട്ട വനിത താരം ആദ്യമായി 200 മത്സരങ്ങൾ പിന്നിട്ട താരം എന്നിങ്ങനെ ഒട്ടേറെ റെക്കോഡുകൾക്ക് കൂടി അവകാശിയാണ് മുൻ ഇന്ത്യൻ താരം. നിലവിൽ ടീം ഇന്ത്യയിലെ തന്നെ പല ക്രിക്കറ്റ് താരങ്ങളുടെയും ആരാധനപാത്രമായ മിതാലി സാരിയിൽ ബാറ്റ് ചെയ്തുകൊണ്ടാണ് ടീമിന് ആശംസകൾ നൽകിയത്. ഞങ്ങൾക്കും കഴിയുമെന്ന് ലോകത്തിന് കാണിച്ചുകൊടുക്കുക. കമോൺ ടീം ഇന്ത്യ നാട്ടിലേക്ക് ട്രോഫി എത്തിക്കുക മിതാലി വീഡിയോയിൽ പറയുന്നു. അന്താരാഷ്ട്ര വനിത ദിനത്തോട് കൂടി അനുബന്ധിച്ചാണ് താരം ടീമംഗങ്ങൾക്ക് ആശംസകളുമായി രംഗത്തെത്തിയത്.

View this post on Instagram

Every saree talks more than you and I know! It never tells you to fit in, it makes you stand out. This Women's day, #StartSomethingPriceless and show the world that we can do it too. It's time you start living life #OnYourTerms. Follow @CitiIndia page for more inspiring stories of women living life on their own terms. @mastercardindia

A post shared by Mithali Raj (@mithaliraj) on Mar 4, 2020 at 8:07am PST

വിഖ്യാത മെല്‍ബണ്‍ ക്രിക്കറ്റ് ഗ്രൗണ്ടില്‍ ഞായറാഴ്‌ച ഓസ്ട്രേലിയക്കെതിരെയാണ് ഇന്ത്യയുടെ കലശപോരാട്ടം. ലോകകപ്പിലെ ആദ്യ കിരീടം ഇന്ത്യ ലക്ഷ്യമിടുമ്പോൾ അഞ്ചാം കിരീടനേട്ടമാണ് ഓസീസ് ലക്ഷ്യമിടുന്നത്.ഇന്ത്യന്‍ സമയം ഉച്ചയ്‌ക്ക് 12.30നാണ് മത്സരം ആരംഭിക്കുക.