Webdunia - Bharat's app for daily news and videos

Install App

Mohsin Khan: ക്രുണാല്‍ പന്ത് കൊടുത്തത് വേറെ വഴിയില്ലാത്തതുകൊണ്ട്, ജയിപ്പിക്കുമെന്ന് സ്വപ്‌നത്തില്‍ പോലും വിചാരിച്ചില്ല !

Webdunia
ബുധന്‍, 17 മെയ് 2023 (13:29 IST)
Mohsin Khan: മുംബൈ ഇന്ത്യന്‍സിനെതിരായ മത്സരത്തില്‍ അവസാന ഓവര്‍ എറിയാന്‍ ലഖ്‌നൗ സൂപ്പര്‍ ജയന്റ്‌സ് നായകന്‍ ക്രുണാല്‍ പാണ്ഡ്യ മൊഹ്‌സിന്‍ ഖാന് പന്ത് കൊടുത്തത് വേറെ വഴിയൊന്നും ഇല്ലാത്തതുകൊണ്ട്. ടീമിലെ മറ്റ് ബൗളര്‍മാരെയെല്ലാം അതിനോടകം ഉപയോഗിച്ചു കഴിഞ്ഞിരുന്നു. മൊഹ്‌സിന്‍ ഖാന്‍ തന്റെ ആദ്യ രണ്ട് ഓവറില്‍ നിന്ന് 21 റണ്‍സ് വിട്ടുകൊടുത്തിരുന്നു. അവസാന ഓവര്‍ എറിയാന്‍ മൊഹ്‌സിന്‍ ഖാന് നല്‍കുമ്പോള്‍ ജയിക്കുമെന്ന യാതൊരു പ്രതീക്ഷയും ക്രുണാല്‍ പാണ്ഡ്യക്ക് പോലും ഉണ്ടായിരുന്നില്ല. 
 
അവസാന ഓവറില്‍ വെറും 11 റണ്‍സ് മാത്രമായിരുന്നു മുംബൈ ഇന്ത്യന്‍സിന് ജയിക്കാന്‍ വേണ്ടിയിരുന്നത്. ക്രീസില്‍ കൂറ്റനടിക്കാരായ ടിം ഡേവിഡും കാമറൂണ്‍ ഗ്രീനും. നവീന്‍ ഉള്‍ ഹഖ്, യാഷ് താക്കൂര്‍ എന്നിവരുടെയെല്ലാം നാല് ഓവര്‍ ക്വാട്ട അപ്പോഴേക്കും തീര്‍ന്നിരുന്നു. രവി ബിഷ്‌ണോയിയുടെ നാല് ഓവറും നേരത്തെ തീര്‍ന്നിരുന്നു. രണ്ട് ഓവറില്‍ 21 റണ്‍സ് വഴങ്ങിയ മൊഹ്‌സിന്‍ ഖാന് പന്ത് കൊടുക്കുകയല്ലാതെ മറ്റൊരു വഴിയും ക്രുണാലിന് മുന്നില്‍ ഉണ്ടായിരുന്നില്ല. 
 
അവസാന ഓവറില്‍ 11 റണ്‍സ് പ്രതിരോധിക്കുകയെന്ന ദൗത്യം മൊഹ്‌സിന്‍ ഖാന്‍ ഉത്തരവാദിത്തത്തോടെ നിറവേറ്റുന്ന കാഴ്ചയാണ് പിന്നീട് കണ്ടത്. വിട്ടുകൊടുത്തത് വെറും അഞ്ച് റണ്‍സ് മാത്രം. അവസാന ഓവറില്‍ ഒരു ബൗണ്ടറി പോലും മൊഹ്‌സിന്‍ ഖാന്‍ വഴങ്ങിയില്ല. പരുക്കിന് ശേഷം ടീമിലേക്ക് തിരിച്ചെത്തിയ മൊഹ്‌സിന്‍ ഖാന്‍ നിര്‍ണായക മത്സരത്തില്‍ ലഖ്‌നൗവിന്റെ വിജയതാരമാകുകയായിരുന്നു. 
 

അനുബന്ധ വാര്‍ത്തകള്‍

വായിക്കുക

അവൻ കളിച്ച് വന്നതല്ലെ, അവസരങ്ങൾ ഒന്നോ രണ്ടോ മാത്രമായി ചുരുങ്ങില്ല, കരുൺ നായരെ ചേർത്ത് പിടിച്ച് ഗൗതം ഗംഭീർ

Ecuador vs Brazil: ആഞ്ചലോട്ടി വന്നിട്ടും മാറ്റമില്ല, ഗോൾ നേടാനാകാതെ ബ്രസീൽ, ഇക്വഡോറിനെതിരായ മത്സരം സമനിലയിൽ

Spain vs France: 'ഫ്രാന്‍സോ ഏത് ഫ്രാന്‍സ്'; ലാമിന്‍ യമാല്‍ കസറി, സ്‌പെയിന്‍ ഫൈനലില്‍

Jasprit Bumrah: ഇംഗ്ലണ്ടിൽ കളിക്കുക എന്നത് എപ്പോഴും ചലഞ്ച്, ഇംഗ്ലണ്ട് ബാസ്ബോൾ കളിച്ചാൽ തങ്ങൾക്ക് കൂടുതൽ വിക്കറ്റിന് സാധ്യതയെന്ന് ബുമ്ര

Mumbai Indians: ദൈവം ഇങ്ങനെ ഭാഗ്യം കൊടുക്കരുത്, മുംബൈയുടെ വിജയത്തിൽ പ്രതികരിച്ച് അശ്വിൻ

എല്ലാം കാണുക

ഏറ്റവും പുതിയത്

Rishabh Pant: പരിശീലനത്തിനിടെ കൂറ്റന്‍ സിക്‌സ്; ലോര്‍ഡ്‌സിലെ മേല്‍ക്കൂര തകര്‍ത്ത് പന്ത് (വീഡിയോ)

ക്യാപ്റ്റന്‍ ഓപ്ഷനില്‍ നിന്നും ബാബറും റിസ്വാനും പുറത്ത്, പാകിസ്ഥാന്റെ 3 ഫോര്‍മാറ്റിലും നായകനായി സല്‍മാന്‍ അലി ആഘയെ പരിഗണിക്കുന്നു

രണ്ടുവര്‍ഷം മാത്രം ദൂരെ ലോകകപ്പ്, ഏകദിനത്തിലെ രോഹിത്തിന്റെ നായകസ്ഥാനം തെറിച്ചേക്കും

വേണ്ടത് 5 വിക്കറ്റുകൾ മാത്രം, ഒരു ഏഷ്യൻ ബൗളർക്കുമില്ലാത്ത നേട്ടം, ബുമ്രയെ കാത്ത് അപൂർവ റെക്കോർഡ്

ലിമിറ്റഡ് ഓവർ പോലെയല്ല, ടെസ്റ്റിൽ രോഹിത്തിനെയും കോലിയേയും ചേർത്ത് പറയരുത് : സഞ്ജയ് മഞ്ജരേക്കർ

അടുത്ത ലേഖനം
Show comments