Webdunia - Bharat's app for daily news and videos

Install App

Ravindra Jadeja: എത്ര നല്ല ബൗളറാണെന്ന് പറഞ്ഞിട്ടും കാര്യമില്ല, ഈ പിഴവ് ആദ്യം പരിഹരിക്കണം; ജഡേജയ്‌ക്കെതിരെ സോഷ്യല്‍ മീഡിയ

ഇന്‍ഡോര്‍ ടെസ്റ്റില്‍ ഓസീസ് താരം മര്‍നസ് ലബുഷാനെ റണ്‍സൊന്നും എടുക്കാതെ നില്‍ക്കുന്ന സമയത്ത് ജഡേജ ബൗള്‍ഡ് ആക്കിയതാണ്

Webdunia
ബുധന്‍, 1 മാര്‍ച്ച് 2023 (15:49 IST)
Ravindra Jadeja: പരുക്കില്‍ നിന്ന് മുക്തനായി ടീമിലേക്ക് തിരിച്ചെത്തിയ ഇന്ത്യന്‍ ഓള്‍റൗണ്ടര്‍ രവീന്ദ്ര ജഡേജ ഇപ്പോള്‍ നടക്കുന്ന ബോര്‍ഡര്‍-ഗാവസ്‌കര്‍ ട്രോഫി പരമ്പരയില്‍ ബാറ്റ് കൊണ്ടും ബോള്‍ കൊണ്ടും മികച്ച പ്രകടനമാണ് നടത്തുന്നത്. ലോകോത്തര ഓള്‍റൗണ്ടര്‍ തന്നെയാണ് താനെന്ന് പ്രകടനത്തിലൂടെ അടിവരയിടുന്നുണ്ട് ജഡേജ. എന്നാല്‍ താരത്തിന്റെ ഒരു പിഴവ് ആരാധകരെ വലിയ രീതിയില്‍ നിരാശപ്പെടുത്തുന്നു. ഇപ്പോള്‍ നടന്നുകൊണ്ടിരിക്കുന്ന ഇന്‍ഡോര്‍ ടെസ്റ്റിലും ജഡേജ ആ പിഴവ് ആവര്‍ത്തിച്ചു. പിശുക്കില്ലാതെ നോ ബോള്‍ എറിയുന്നതാണ് ജഡേജയുടെ ഭാഗത്തുനിന്ന് സംഭവിക്കുന്ന പിഴവ്. ഇതിന് ടീം ഇന്ത്യ വലിയ വില കൊടുക്കേണ്ടിവരുന്നു. 
 
ഇന്‍ഡോര്‍ ടെസ്റ്റില്‍ ഓസീസ് താരം മര്‍നസ് ലബുഷാനെ റണ്‍സൊന്നും എടുക്കാതെ നില്‍ക്കുന്ന സമയത്ത് ജഡേജ ബൗള്‍ഡ് ആക്കിയതാണ്. വിക്കറ്റ് കിട്ടിയതിനു പിന്നാലെ ജഡേജയടക്കമുള്ള ഇന്ത്യന്‍ താരങ്ങള്‍ ആഘോഷം തുടങ്ങി. ലബുഷാനെ ക്രീസില്‍ നിന്ന് മടങ്ങാനും ആരംഭിച്ചു. അപ്പോഴാണ് അത് നോ ബോള്‍ ആയിരുന്നു എന്ന് അറിയുന്നത്. അംപയര്‍ ലബുഷാനെയെ തിരിച്ചുവിളിച്ചു. പിന്നീട് ലബുഷാനെ പുറത്താകുന്നത് വ്യക്തിഗത സ്‌കോര്‍ 31 ല്‍ എത്തിയിട്ടാണ്. പുറത്താക്കിയത് ജഡേജ തന്നെ ! 
 
ഒരു സ്പിന്നര്‍ ഇങ്ങനെ നോ ബോള്‍ എറിയുന്നത് ഒരിക്കലും അംഗീകരിക്കാന്‍ പറ്റില്ലെന്നാണ് ക്രിക്കറ്റ് നിരീക്ഷകരുടെ വിലയിരുത്തല്‍. ഒരു സ്പിന്നര്‍ക്ക് തുടര്‍ച്ചയായി ഓവര്‍സ്‌റ്റെപ്പ് പ്രശ്‌നം ഉണ്ടാകുന്നുണ്ടെങ്കില്‍ അത് തീര്‍ച്ചയായും തിരുത്തേണ്ട പിഴവാണെന്ന് ആരാധകരും അഭിപ്രായപ്പെടുന്നു. 
 
ബോര്‍ഡര്‍-ഗാവസ്‌കര്‍ ട്രോഫിയില്‍ ജഡേജ ഇതുവരെ എട്ട് നോ ബോള്‍ എറിഞ്ഞു കഴിഞ്ഞു. നാഗ്പൂര്‍ ടെസ്റ്റിന്റെ രണ്ട് ഇന്നിങ്‌സിലുമായി അഞ്ച് നോ ബോള്‍, ഡല്‍ഹി ടെസ്റ്റില്‍ ഒരു നോ ബോള്‍, ഇപ്പോള്‍ നടക്കുന്ന ഇന്‍ഡോര്‍ ടെസ്റ്റില്‍ ഒരു ഇന്നിങ്‌സ് പോലും പൂര്‍ത്തിയാകാത്ത സാഹചര്യത്തില്‍ രണ്ട് നോ ബോള്‍ ! ബോര്‍ഡര്‍-ഗാവസ്‌കര്‍ ട്രോഫിയില്‍ ജഡേജ ഇതുവരെ 19 വിക്കറ്റുകള്‍ നേടിയിട്ടുണ്ട്. എറിഞ്ഞ നോ ബോളുകളില്‍ രണ്ട് വിക്കറ്റുകളും ഉണ്ടായിരുന്നു എന്നതാണ് കൗതുകം. 
 

അനുബന്ധ വാര്‍ത്തകള്‍

വായിക്കുക

അവൻ കളിച്ച് വന്നതല്ലെ, അവസരങ്ങൾ ഒന്നോ രണ്ടോ മാത്രമായി ചുരുങ്ങില്ല, കരുൺ നായരെ ചേർത്ത് പിടിച്ച് ഗൗതം ഗംഭീർ

Ecuador vs Brazil: ആഞ്ചലോട്ടി വന്നിട്ടും മാറ്റമില്ല, ഗോൾ നേടാനാകാതെ ബ്രസീൽ, ഇക്വഡോറിനെതിരായ മത്സരം സമനിലയിൽ

Spain vs France: 'ഫ്രാന്‍സോ ഏത് ഫ്രാന്‍സ്'; ലാമിന്‍ യമാല്‍ കസറി, സ്‌പെയിന്‍ ഫൈനലില്‍

Jasprit Bumrah: ഇംഗ്ലണ്ടിൽ കളിക്കുക എന്നത് എപ്പോഴും ചലഞ്ച്, ഇംഗ്ലണ്ട് ബാസ്ബോൾ കളിച്ചാൽ തങ്ങൾക്ക് കൂടുതൽ വിക്കറ്റിന് സാധ്യതയെന്ന് ബുമ്ര

Mumbai Indians: ദൈവം ഇങ്ങനെ ഭാഗ്യം കൊടുക്കരുത്, മുംബൈയുടെ വിജയത്തിൽ പ്രതികരിച്ച് അശ്വിൻ

എല്ലാം കാണുക

ഏറ്റവും പുതിയത്

Cristiano Ronaldo: എനിക്ക് പ്രായമായി, അവസാന ഘട്ടത്തിനു തൊട്ടരികെ: ക്രിസ്റ്റ്യാനോ റൊണാള്‍ഡോ

UEFA Nations League Final: പെനാല്‍റ്റി ഷൂട്ടൗട്ടില്‍ സ്‌പെയിന്‍ വീണു; യുവേഫ നാഷന്‍സ് ലീഗില്‍ മുത്തമിട്ട് പോര്‍ച്ചുഗലും റൊണാള്‍ഡോയും

Shashank Singh: ഫൈനൽ വരെ അച്ഛൻ എന്നോട് മിണ്ടിയില്ല, ശ്രേയസ് രണ്ടെണ്ണം പൊട്ടിച്ചാലും കുറ്റം പറയാനാവില്ല: ശശാങ്ക് സിങ്

ബുമ്രയെ ടെസ്റ്റ് ക്യാപ്റ്റനാക്കാതിരുന്നത് ശരിയായ തീരുമാനം, പിന്തുണച്ച് റിക്കി പോണ്ടിംഗ്

ഇന്ത്യ ടെസ്റ്റ് പരമ്പരയിൽ നാണം കെട്ടാൽ, ഫാൻസും ബോർഡും ആവശ്യപ്പെട്ടാൽ കോലി ടെസ്റ്റിൽ തിരിച്ചെത്തും

അടുത്ത ലേഖനം
Show comments