അത്യപൂര്‍വ്വ റെക്കോര്‍ഡിനുടമയായി റിഷഭ് പന്ത്; തകര്‍ന്നത് 23വര്‍ഷം പഴക്കമുള്ള സച്ചിന്റെ റെക്കോര്‍ഡ്

സച്ചിന്റെ റെക്കോര്‍ഡ് തകര്‍ത്ത് റിഷഭ്

സച്ചിന്‍ ടെന്‍ഡുല്‍ക്കറിന്റെ റെക്കോര്‍ഡ് സ്വന്തം പേരിലാക്കി യുവതാരം റിഷഭ് പന്ത്. രഞ്ജി ട്രോഫി ഫൈനല്‍ കളിക്കുന്ന പ്രായം കുറഞ്ഞ നായകനെന്ന റെക്കോര്‍ഡാണ് പന്ത് സ്വന്തമാക്കിയത്. ഇതോടെ 23വര്‍ഷം പഴക്കമുള്ള സച്ചിന്റെ റെക്കോര്‍ഡ് പഴങ്കഥയാകുകയും ചെയ്തു.   

ഇന്‍ഡോറിലെ ഹാള്‍ക്കര്‍ സ്റ്റേഡിയത്തില്‍ വിദര്‍ഭയെ നേരിടുന്ന ഡല്‍ഹിയുടെ നായകനായ പന്തിന് 20 വയസും 86 ദിവസവുമാണ് ഇപ്പോള്‍ പ്രായം. 1994-95 സീസണില്‍ പഞ്ചാബിനെതിരെ ഫൈനലില്‍ മുംബൈയെ നയിക്കുന്ന സമത്ത് സച്ചിന് 21 വയസായിരുന്നു പ്രായം.

വിദര്‍ഭയെ മറികടന്ന് കിരീടം സ്വന്തമാക്കാന്‍ കഴിഞ്ഞാല്‍ മറ്റൊരു റെക്കോര്‍ഡ് കൂടി പന്തിന് സ്വന്തമാക്കാം. രഞ്ജി ട്രോഫി നേടുന്ന പ്രായം കുറഞ്ഞ നായകനെന്ന പദവിയാണ് ഇതോറ്റെ പന്തിന്റെ പേരിലാകുക. 1994-95ല്‍ പഞ്ചാബിനെ പരാജയപ്പെടുത്തി സച്ചിന്റെ നേതൃത്വത്തില്‍ മുംബൈ കപ്പുയര്‍ത്തിയിരുന്നു.