അവസാന പന്തിൽ സിക്‌സറടിച്ച് കന്നി സെഞ്ചുറി, ഓറഞ്ച് ക്യാപ്: റെക്കോഡുകൾ വാരികൂട്ടി റുതുരാജ് ഗെയ്‌ക്ക്‌വാദ്

Webdunia
ഞായര്‍, 3 ഒക്‌ടോബര്‍ 2021 (09:50 IST)
ഐപിഎല്ലിൽ ചെന്നൈ സൂപ്പർ കിങ്‌സിന്റെ ബാറ്റിങിന്റെ നട്ടെല്ലാണ് യുവതാരം റുതുരാജ് ഗെയ്‌ക്ക്‌വാദ്. പരിചയസമ്പന്നമായ ചെന്നൈ ബാറ്റിങ് നിരയിൽ പുതുമുഖം എന്ന് പറയാവുന്ന ഏക ബാറ്ററായ ഗെയ്‌ക്ക്‌വാദാണ് ഇത്തവണ ഐപിഎല്ലിൽ ഒന്നാം സ്ഥാനക്കാരായി പ്ലേ ഓഫ് ഉറപ്പിക്കാൻ ചെന്നൈയെ സഹായിച്ചത്.
 
രാജസ്ഥാന്‍ റോയല്‍സിനെതിരെ 60 പന്തില്‍ തന്‍റെ ആദ്യ ഐപിഎല്‍ സെഞ്ചുറി നേടിയ ഗെയ്ക്‌‌വാദ് സീസണിലെ ഓറഞ്ച് ക്യാപ് കൂടി മത്സരത്തിൽ സ്വന്തമാക്കിയിരിക്കുകയാണ്. ഒരു സെഞ്ചുറിയും മൂന്ന് അര്‍ധസെഞ്ചുറിയും 
ഉൾപ്പടെ 50.80 ശരാശരിയില്‍ 140.33 പ്രഹരശേഷിയിൽ 508 റൺസാണ് താരം നേടിയത്. ഒപ്പം ചെന്നൈ സൂപ്പർ കിങ്‌സിനായി സെഞ്ചുറി നേടുന്ന ഒമ്പതാമത് താരമെന്ന നേട്ടവും റുതുരാജ് സ്വന്തമാക്കി.
 
ചെന്നൈ സൂപ്പർ കിങ്‌സിനായി സെഞ്ചുറി നേടുന്ന ഏറ്റവും പ്രായം കുറഞ്ഞ ബാറ്ററാണ് റുതുരാജ്. 24 വയസും 244 ദിവസവുമാണ് റുതുരാജിന്റെ പ്രായം. രാജസ്ഥാനെതിരായ മത്സരത്തിൽ അവസാന പന്തിൽ സെഞ്ചുറിയിലെത്തുമോ എന്ന സസ്‌പെൻസിലൊടുവിലാണ് മുസ്‌തഫിസൂറിന്റെ പന്തിൽ സിക്‌സർ പറത്തികൊണ്ട് റുതുരാജ് തന്റെ കന്നി ഐപിഎൽ സെഞ്ചുറി സ്വന്തമാക്കിയത്. 
 
പതിനെട്ടാം ഓവര്‍ പൂര്‍ത്തിയായപ്പോള്‍ 93 റണ്‍സിലെത്തിയെങ്കിലും പിന്നീടുള്ള 12 പന്തുകളില്‍ മൂന്നെണ്ണം മാത്രമാണ് ഗെയ്ക്‌‌വാദിന് ലഭിച്ചത്. ഇതിൽ അവസാന പന്തിൽ സെഞ്ചുറി നേടാൻ 5 റൺസ് വേണമെന്നിരിക്കെയാണ് സിക്‌സറിലൂടെ താരം ചെന്നൈ ഇന്നിങ്സ് അവസാനിപ്പിച്ചത്.

അനുബന്ധ വാര്‍ത്തകള്‍

വായിക്കുക

സുഹൃത്തെന്നാൽ ഇങ്ങനെ വേണം, മോശം സമയത്ത് സ്മൃതിക്കൊപ്പം നിൽക്കണം, ബിബിഎൽ കളിക്കാനില്ലെന്ന് ജെമീമ റോഡ്രിഗസ്

WTC : ഇന്ത്യയ്ക്കിനി ബാക്കിയുള്ളത് 9 ടെസ്റ്റുകൾ, ലോക ടെസ്റ്റ് ചാമ്പ്യൻഷിപ്പ് ഫൈനലിലെത്തുമോ?, സാധ്യതകൾ എന്തെല്ലാം

Gautam Gambhir: ഗംഭീര്‍ തുടരട്ടെ, മാറ്റാനൊന്നും പ്ലാനില്ല; രണ്ടുംകല്‍പ്പിച്ച് ബിസിസിഐ

WPL 2026: ദീപ്തി ശർമയും ലോറ വോൾവാർഡും താരലേലത്തിൽ, അവസരം കാത്ത് 7 മലയാളി താരങ്ങൾ, വനിതാ പ്രീമിയർ ലീഗ് താരലേലം ഇന്ന്

ഹർമൻ പ്രീതില്ല, ക്യാപ്റ്റനായി ലോറ വോൾവാർഡ്, വനിതാ ഏകദിന ലോകകപ്പ് ടീമിനെ പ്രഖ്യാപിച്ച് ഐസിസി

എല്ലാം കാണുക

ഏറ്റവും പുതിയത്

ഇന്ത്യ-ശ്രീലങ്ക വനിതാ ടി20 പരമ്പര: മൂന്ന് മത്സരങ്ങള്‍ക്ക് തിരുവനന്തപുരം വേദിയാകും

Ayush Mhatre: അണ്ടര്‍ 19 ഏഷ്യ കപ്പില്‍ ഇന്ത്യയെ നയിക്കാന്‍ ആയുഷ്

കളിച്ചത് മോശം ക്രിക്കറ്റാണ്, എല്ലാവരോടും മാപ്പ് ചോദിക്കുന്നു : ഋഷഭ് പന്ത്

ഗംഭീർ അതിരുവിട്ടു, പ്രസ്താവനയിൽ ബിസിസിഐയ്ക്ക് അതൃപ്തി, നടപടി ഉടനില്ല, ടി20 ലോകകപ്പിന് ശേഷം തീരുമാനം

കമ്മിൻസ് പുറത്ത് തന്നെ, രണ്ടാം ആഷസ് ടെസ്റ്റിനുള്ള ഓസ്ട്രേലിയൻ ടീമിൽ മാറ്റമില്ല

അടുത്ത ലേഖനം
Show comments