Webdunia - Bharat's app for daily news and videos

Install App

സഞ്ജുവിനെ വെറും നോക്കു‌കുത്തിയാക്കി, ഏകദിനത്തിൽ കളിപ്പിക്കില്ല; പകരം പൃഥ്വി ഷാ ?!

ധവാൻ മടങ്ങിവരില്ല, പകരം ആര്? സഞ്ജുവോ പൃഥ്വി ഷായോ?

ഗോൾഡ ഡിസൂസ
ചൊവ്വ, 10 ഡിസം‌ബര്‍ 2019 (14:01 IST)
ഇന്ത്യൻ ടീമിൽ കയറിപ്പറ്റിയെങ്കിലും രാജ്യാന്തര ട്വന്റി20യിൽ തുടർച്ചയായി അഞ്ചു മത്സരങ്ങളിൽ കളത്തിലിറങ്ങാനാകാതെ കാത്തിരിപ്പ് തുടരുകയാണ് മലയാളികളുടെ സഞ്ജു സാംസൺ. വെസ്റ്റിൻഡീസിനെതിരായ ട്വിന്റി 20യിൽ ഉൾപ്പെട്ടെങ്കിലും രണ്ട് മത്സരത്തിലും പങ്കെടുപ്പിക്കാതെ സഞ്ജുവിനെ സൈഡ് ബെഞ്ചിൽ ഇരുത്തുകയായിരുന്നു വിരാട് കോഹ്ലിയും രവി ശാസ്ത്രിയും. 
 
5 മത്സരങ്ങളിലും സൈഡാക്കിയതിന്റെ പ്രായ്ശ്ചിത്തമെന്നോണമെങ്കിലും സഞ്ജുവിനെ വെസ്റ്റിൻഡീസിനെതിരായ ഏകദിന പരമ്പരയ്ക്കുള്ള ടീമിലേക്കെങ്കിലും എടുക്കുമോ എന്നാണ് ആരാധകർ ചോദിക്കുന്നത്. ക്ഷണം ലഭിച്ചാൽ അത് ചരിത്ര സംഭവമാകും. കരിയറിൽ ഇതുവരെ സഞ്ജു ഏകദിന ടീമിൽ അംഗമായിട്ടില്ല. പക്ഷെ, ഇതുവരെ ചെയ്തത് പോലെ തന്നെയാകുമോ സഞ്ജുവിനോട് ഇനിയുമെന്ന സംശയവും നിലനിൽക്കുന്നുണ്ട്. 
 
റിപ്പോർട്ടുകൾ ശരിയാണെങ്കിൽ ഏകദിന ടീമിലും സഞ്ജു ഉണ്ടാകും. പരുക്കേറ്റ് പുറത്തായ ശിഖർ ധവാൻ ഏകദിനത്തിലും കളിച്ചേക്കില്ലെന്നാണ് റിപ്പോർട്ട്. സഞ്ജുവിന് നറുക്കുവീഴുമോ അതോ പൃഥ്വി ഷാ കൊണ്ടുപോകുമോ എന്നും ചോദ്യമുയരുന്നുണ്ട്. 
 
ടെസ്റ്റിൽ മികച്ച ഫോമിലുള്ള കർണാടക താരം മായങ്ക് അഗർവാൾ, ബംഗ്ലദേശിനെതിരായ ഏകദിന പരമ്പരയിൽ ടീമിലുണ്ടായിട്ടും അവസരം ലഭിക്കാതെ പോയ യുവതാരം പഞ്ചാബ് താരം ശുഭ്മാൻ ഗിൽ, ഉത്തേജക വിവാദത്തെ തുടർന്ന് വിലക്കിനുശേഷം കളത്തിലേക്ക് തിരികെയെത്തി ഫോം പ്രകടമാക്കിയ മുംബൈ താരം പൃഥ്വി ഷാ തുടങ്ങിയവരുടെ പേരുകളാണ് സഞ്ജുവിനൊപ്പം ഉയർന്നു വരുന്നത്. 
 
സഞ്ജു ടീമിനൊപ്പം തുടരുന്ന കാര്യത്തിൽ സിലക്ടർമാർക്ക് എതിർപ്പില്ലെന്നാണ് പരക്കെയുള്ള സംസാരം. പക്ഷേ, ഒരു അവസരം പോലും നൽകാതെ സഞ്ജുവിനെ ഇങ്ങനെ ടീമിൽ നിർത്തുന്നത് എന്തിനാണെന്ന ചോദ്യങ്ങളും ഉയരുന്നുണ്ട്. സഞ്ജുവിന് പകരം പൃഥ്വി ഷാ ടീമിൽ ഇടം പിടിക്കുമോ എന്ന സാധ്യതയും തള്ളിക്കളയാനാകില്ല. വെറും നോക്കുകുത്തിയാക്കി നിർത്താനാണെങ്കിൽ ഏകദിന ടീമിൽ സഞ്ജുവിനെ ഉൾപ്പെടുത്തേണ്ടെന്ന പ്രചരണവും നടക്കുന്നുണ്ട്. 
 
ഡിസംബർ 15ന് ചെന്നൈയിലാണ് ആദ്യ മത്സരം. രണ്ടാം ഏകദിനം വിശാഖപട്ടണത്തും മൂന്നാം മത്സരം കട്ടക്കിലുമാണ്. 

അനുബന്ധ വാര്‍ത്തകള്‍

വായിക്കുക

അവൻ കളിച്ച് വന്നതല്ലെ, അവസരങ്ങൾ ഒന്നോ രണ്ടോ മാത്രമായി ചുരുങ്ങില്ല, കരുൺ നായരെ ചേർത്ത് പിടിച്ച് ഗൗതം ഗംഭീർ

Ecuador vs Brazil: ആഞ്ചലോട്ടി വന്നിട്ടും മാറ്റമില്ല, ഗോൾ നേടാനാകാതെ ബ്രസീൽ, ഇക്വഡോറിനെതിരായ മത്സരം സമനിലയിൽ

Spain vs France: 'ഫ്രാന്‍സോ ഏത് ഫ്രാന്‍സ്'; ലാമിന്‍ യമാല്‍ കസറി, സ്‌പെയിന്‍ ഫൈനലില്‍

Jasprit Bumrah: ഇംഗ്ലണ്ടിൽ കളിക്കുക എന്നത് എപ്പോഴും ചലഞ്ച്, ഇംഗ്ലണ്ട് ബാസ്ബോൾ കളിച്ചാൽ തങ്ങൾക്ക് കൂടുതൽ വിക്കറ്റിന് സാധ്യതയെന്ന് ബുമ്ര

Mumbai Indians: ദൈവം ഇങ്ങനെ ഭാഗ്യം കൊടുക്കരുത്, മുംബൈയുടെ വിജയത്തിൽ പ്രതികരിച്ച് അശ്വിൻ

എല്ലാം കാണുക

ഏറ്റവും പുതിയത്

Cristiano Ronaldo vs Lionel Messi: ഇന്റര്‍നാഷണല്‍ കിരീടങ്ങളില്‍ ആരാണ് മുന്നില്‍? വീണ്ടും ചൂടുപിടിച്ച് 'ഗോട്ട്' ചര്‍ച്ചകള്‍

ICC WTC Final 2025, AUS vs SA Live Telecast: ഇന്ത്യയില്ലാത്ത ആദ്യ ടെസ്റ്റ് ചാംപ്യന്‍ഷിപ്പ് ഫൈനല്‍; ഓസ്‌ട്രേലിയ - ദക്ഷിണാഫ്രിക്ക മത്സരം നാളെ മുതല്‍

Nicholas Pooran: വെടിക്കെട്ട് കരീബിയന്‍ ബാറ്റര്‍ നിക്കോളാസ് പൂറാന്‍ രാജ്യാന്തര ക്രിക്കറ്റ് അവസാനിപ്പിച്ചു

പോളണ്ടിനെ പറ്റി ഒരക്ഷരം മിണ്ടരുത്, കോച്ചുമായി തർക്കം, ദേശീയ ടീമിനായി കളിക്കില്ലെന്ന് ലെവൻഡോവ്സ്കി

രാഹുലിനെ ഓപ്പണറാക്കില്ല, ഗിൽ ഇറങ്ങുക നാലാം നമ്പറിൽ: ഇന്ത്യയുടെ ബാറ്റിംഗ് ലൈനപ്പ് പ്രവചിച്ച് പോണ്ടിംഗ്

അടുത്ത ലേഖനം
Show comments