റിഷഭ് പന്തിന്റെ ഗാർഡ് ചോദ്യം ചെയ്‌ത് അമ്പയർ ഹസീബ് ഹമീദിന് നേരെ കണ്ണടച്ചു, മൈതാനത്ത് കലിപ്പിട്ട് കോലി

ഓവൽ ടെസ്റ്റിൽ ഇംഗ്ലണ്ട് ഓപ്പണർ ഹസീബ് ഹമീദിന്റെ ഗാർഡ് ചോദ്യം ചെയ്‌ത് ഇന്ത്യൻ നായകൻ വിരാട് കോലി. ഹെഡിങ്‌ലേയിൽ ഇന്ത്യൻ വിക്കറ്റ് കീപ്പർ ബാറ്റ്സ്മാനായ റിഷഭ് പന്തിന്റെ ഗാർഡ് മാറ്റാൻ അമ്പയർ ആവശ്യപ്പെട്ടിരുന്നു. എന്നാൽ ഓവലിൽ അമ്പയർമാർ ഹസീബ് ഹമീദിന്റെ ഗാർഡിന് കണ്ണടയ്ക്കുകയായിരുന്നു. ഇത് ചോദ്യം ചെയ്‌തുകൊണ്ടാണ് കോലി രംഗത്തെത്തിയത്.

What is your take on batsmen marking their guard perilously close to the forbidden area of the pitch?

Tune into Sony Six (ENG), Sony Ten 3 (HIN), Sony Ten 4 (TAM, TEL) & SonyLIV (https://t.co/AwcwLCPFGm ) now!

ക്രീസിൽ നിന്നും ഏറെ മുൻപിൽ കയറിയാണ് ഹസീബ് ഹമീദ് സ്റ്റാൻഡ് എടുത്തിരുന്നത്. ഇതാണ് കോലിയെ ചൊടുപ്പിച്ചത്. പിച്ചിലെ പ്രൊട്ടക്‌റ്റഡ് ഏരിയയോട് ചേർന്ന് ഗാർഡ് എടുക്കരുതെന്നാണ് ക്രിക്കറ്റിലെ നിയമം. ക്രീസിൽ നിന്ന് 4 അടി അകലെയാണിത്.ഹമീദിന്റെ ഗാർഡിനെ ചൊല്ലി ഇന്ത്യൻ നായകൻ കലിപ്പിലായെങ്കിലും അധികം വൈകാതെ തന്നെ ഡക്കായി മടങ്ങാനായിരുന്നു ഹമീദിന്റെ വിധി. 12 പന്തിൽ റൺസൊന്നുമെടുക്കാതെയാണ് താരം പുറത്തായത്.