ഐസിസിയുടെ ഒക്ടോബറിലെ മികച്ച താരമായി വിരാട് കോലി

ഐസിസിയുടെ ഒക്ടോബർ മാസത്തിലെ മികച്ച താരമായി ഇന്ത്യൻ സൂപ്പർ താരം വിരാട് കോലിയെ തെരെഞ്ഞെടുത്തു. ഇതാദ്യമായാണ് കോലി ഈ പുരസ്കാരത്തിന് നാമനിർദേശം ചെയ്യപ്പെടുന്നത്. ദക്ഷിണാഫ്രിക്കയുടെ ഡേവിഡ് മില്ലർ,സിംബാബ്‌വെയുടെ സിക്കന്ദർ റാസ എന്നിവരെ പിന്തള്ളിയാണ് കോലി പുരസ്കാരത്തിന് അർഹനായത്.

ഒക്ടോബറിൽ നാല് ഇന്നിങ്ങ്സുകളിൽ നിന്ന് 205 റൺസാണ് കോലി നേടിയത്. ഇതിൽ ടി20 ലോകകപ്പിൽ പാകിസ്ഥാനെതിരെ നേടിയ 82 റൺസ് പ്രകടനവും ഉൾപ്പെടുന്നു.