ഈ ഉറക്കമാണിപ്പോള്‍ ചര്‍ച്ചാവിഷയം; വീരുവിന്റേത് എട്ടിന്റെ പണിയെന്ന് ആരാധകര്‍ - പരാതിയില്ലാതെ ഗാംഗുലിയും വോണും

വീരുവിന്റേത് എട്ടിന്റെ പണിയെന്ന് ആരാധകര്‍ - പരാതിയില്ലാതെ ഗാംഗുലിയും വോണും

ചാമ്പ്യന്‍സ് ട്രോഫി മത്സരങ്ങള്‍ ആരാധകരെ തൃപ്‌തിപ്പെടുത്തി മുന്നേറുമ്പോള്‍ കളത്തിന് പുറത്തെ രസകരമായ സംഭവങ്ങള്‍ക്ക് യാതൊരു കുറവുമില്ല.

ഇന്ത്യ പാകിസ്ഥാന്‍ മത്സരത്തിനിടെയുണ്ടായ നിമിഷത്തിന്റെ ചിത്രങ്ങള്‍ മുന്‍ ഇന്ത്യന്‍ താരം വീരേന്ദ്രര്‍ സെവാഗ് പുറത്തുവിട്ടതാണ് ക്രിക്കറ്റ് ആരാധകര്‍ക്കിടെയില്‍ ഇപ്പോള്‍ ചര്‍ച്ചയായിരിക്കുന്നത്.

മത്സരത്തിനിടെ മുന്‍ ഇന്ത്യന്‍ ക്യാപ്‌റ്റന്‍ സൌരവ് ഗാംഗുലിയും മുന്‍ ഓസ്‌ട്രേലിയന്‍ താരം ഷെയ്‌ന്‍ വോണും കമന്ററി ബോക്‌സില്‍ കിടന്നുറങ്ങുന്ന ചിത്രങ്ങളാണ് വീരു ട്വീറ്റ് ചെയ്‌തത്. ഈ ഫോട്ടോകള്‍ സോഷ്യല്‍ മീഡിയകളില്‍ ഇപ്പോള്‍ വൈറലായിരിക്കുകയാണ്.

ഇടവേള സമയത്ത് ഗാംഗുലി തറയിലും വോണ്‍ സോഫയിലുമാണ് കിടന്നുറങ്ങുന്നത്. ഇരുവരുടെയും ഉറക്കത്തിന്റെ ആഴം മനസിലാക്കിയ വീരു കിടിലന്‍ ഒരു കമന്റും കൂടി ചിത്രങ്ങള്‍ക്കൊപ്പം പോസ്‌റ്റ് ചെയ്‌തു.

“ ഒരാളുടെ സ്വപ്‌നങ്ങളാണ് അയാളുടെ ഭാവിയെ നിര്‍ണയിക്കുന്നത്, ഈ രണ്ടാളും ഒട്ടും സമയം കളയാതെ അവരുടെ സ്വപ്‌നങ്ങളെ പിന്തുടരുകയാണ് ” - ഇങ്ങനെയായിരുന്നു സെവാഗിന്റെ കമന്റ്.

വീരുവിന്റെ ട്വീറ്റ് മറ്റ് താരങ്ങളും ഏറ്റു പിടിച്ചിരിക്കുകയാണ്.