‘നാദ്മാഗ്’; ക്രിക്കറ്റ് ലോകത്തെ ഒന്നടങ്കം അതിശയിപ്പിച്ച് പുതിയ ഷോട്ട് പിറന്നു !

ഹെലികോപ്റ്റര്‍ ഷോട്ടിനു ശേഷം ‘നാദ്മാഗ്’ !

ക്രിക്കറ്റ് ലോകത്ത് പല അപൂര്‍വ്വ ഷോട്ടുകളും ബാറ്റ്‌സ്മാന്‍മാരില്‍ നിന്നും ഉടലെടുക്കാറുണ്ട്. അത്തരം ഷോട്ടുകളാവട്ടെ ക്രിക്കറ്റ് ലോകം ഒന്നടങ്കം ആഘോഷമാക്കാറുമുണ്ട്. ക്രിക്കറ്റ് താരങ്ങളുടെ പേരിലോ ആ ഷോട്ടിന്റെ പ്രത്യേകതയുടെ പേരിലായിരിക്കും അത് പിന്നീട് അറിയപ്പെടുക. അത്തരത്തിലുള്ള ഒരു ഷോട്ടാണ് ധോണിയുടെ ഹെലികോപ്റ്റര്‍ ഷോട്ട്.

എന്നാല്‍ ഇപ്പോള്‍ ഇതാ അത്തരത്തിലൊരു ഷോട്ട് കൂടി പിറന്നിരിക്കുന്നു. നിലവില്‍ നടന്നുകൊണ്ടിരിക്കുന്ന വനിതാ ക്രിക്കറ്റ് ലോകപ്പിലാണ് ആ ഷോട്ട് ഉടലെടുത്തത്. ഇംഗ്ലീഷ് താരം നദാലി സ്‌കീവറാണ് ഈ ഷോട്ടിന്റെ സൃഷ്ടാവ്. ഫുട്‌ബോളിലെ ഡ്രിബ്ലിംങിനോട് ഏറെ സാദൃശ്യമുള്ള ഷോട്ടായിരുന്നു അത്. പന്ത് സ്വന്തം കാലിനിടയിലൂടെയാണ് അടിച്ചാണ് നദാലി ഈ ഷോട്ട് പായിച്ചത്.  

ക്രിക്കറ്റ് ലോകം ഈ ഷോട്ടിന് പേരും ഇട്ടുകഴിഞ്ഞു. ‘നാദ്മാഗ്’ ഷോട്ട്. അതായത്, സ്‌കീവറുടെ പേരിലെ നാദ് ചേര്‍ത്താണ് ഈ ഷോട്ടിന് പേരിട്ടതെന്ന് ചുരുക്കം. എന്തായാലും ക്രിക്കറ്റ് ആരാധകര്‍ക്ക് ആഘോഷിക്കാന്‍ ഇത് ധാരാളം. മത്സരത്തിന്റെ 39-ാം ഓവറിലാണ് ഈ ഷോട്ട് സംഭവിച്ചത്. ഹുഡ് ലെസ്റ്റ് ആയിരുന്നു ബൗളര്‍.