ലണ്ടൻ: 14കരിയുടെ കൊലപാതകത്തിൽ ഞെട്ടിക്കുന്ന വെളിപ്പെടുത്തലുമായി കോടതി വിചാരണ. വൂള്‍വര്‍ഹാംപ്ടണിലാണ് സംഭവം. 16കാരനായ സീനിയർ വിദ്യാർത്ഥി പെൺകുട്ടിയെ കൊലപ്പെടുത്തിയ ശേഷം മൃതദേഹം ബലാത്സംഗത്തിന് ഇരയാക്കുകയായിരുന്നുവെന്ന് കോടതി വിചാരനക്കിടെ കണ്ടെത്തി.
ഏപ്രില്‍ 13ന് വെസ്റ്റ് പാര്‍ക്കിലൂടെ നടന്നുപോയ യാത്രക്കാരനാണ് പെൺകുട്ടിയുടെ മൃതദേഹം ആദ്യം കാണുന്നത്. തുടർന്ന് പൊലീസ് കൊലപാതകത്തിന് കേസ് രജിസ്റ്റർചെയ്ത് അന്വേഷണം ആരംഭിച്ചിരുന്നു. പൊലീസ് നടത്തിയ വിശദമായ അന്വേഷണത്തിലാണ് 16കാരനായ സീനിയർ വിദ്യാർത്ഥിയാണ് പെൺകുട്ടിയെ കൊലപ്പെടുത്തിയത് എന്ന് കണ്ടെത്തിയത്.
പ്രതി പെൺകുട്ടിയുടെ മൃതദേഹത്തെ ബലാത്സംഗം ചെയ്തതിന് ഡി എൻ എ തെളിവായി ഉണ്ടെന്ന് പ്രോസിക്യൂഷൻ കോടതിയെ അറിയിച്ചു. അതേ സമയം പതിനാറുകാരനായ പ്രതി തനിക്കെതിരെയുള്ള എല്ലാ ആരോപണങ്ങളും നിഷേധിച്ചിരിക്കുകയാണ്. പ്രതിയുടെ ചിത്രങ്ങൾ പൊലീസ് പുറത്തുവിടാൻ തയ്യാറായിട്ടില്ല. ഇത് വലിയ പ്രതിഷേധങ്ങൾക്ക് ഇടയാക്കുന്നുണ്ട്.