തെരുവ് നായയെ ലൈംഗികമായി പീഡിപ്പിച്ച യുവാവ് എവിടെ? വിവരം നല്‍കുന്നവര്‍ക്ക് ഒരു ലക്ഷം രൂപ സമ്മാനം!

ചെന്നൈയില്‍ സമീപകാലത്ത് തെരുവ് നായയ്ക്കെതിരെ നടന്ന ഒരു ലൈംഗിക പീഡനത്തിന്‍റെ വീഡിയോ സോഷ്യല്‍ മീഡിയയില്‍ വൈറലായിരുന്നു. എന്നാല്‍ പീഡിപ്പിച്ച യുവാവിനെപ്പറ്റി പിന്നീട് വിവരങ്ങളൊന്നും ലഭിച്ചില്ല. ആ യുവാവിനെപ്പറ്റി നിവരം നല്‍കുന്നതിനും അറസ്റ്റ് ചെയ്യാന്‍ സഹായിക്കുന്നതിനും ഒരു ലക്ഷം രൂപ സമ്മാനം പ്രഖ്യാപിച്ച് ഹ്യൂമന്‍ സൊസൈറ്റി ഇന്‍റര്‍നാഷണല്‍ (എച്ച് എസ് ഐ) രംഗത്തെത്തി.

യുവാവിന്‍റെ പീഡനത്തില്‍ നിസഹായയായി കരയുന്ന നായയുടെ വീഡിയോയാണ് സോഷ്യല്‍ മീഡിയയില്‍ പ്രചരിച്ചത്. എവിടെയാണ് ഈ സംഭവം നടന്നതെന്നും ആരാണ് ആ വീഡിയോയിലുള്ള കുറ്റകൃത്യം ചെയ്യുന്ന യുവാവെന്നും തിരിച്ചറിയാന്‍ കഴിഞ്ഞിട്ടില്ല. ഇതുസംബന്ധിച്ച് അന്വേഷണം പുരോഗമിക്കുമ്പോഴും പ്രതിയെപ്പറ്റി വിവരമൊന്നുമില്ലാത്തത് മൃഗസ്നേഹികളെ ആശങ്കയിലാഴ്ത്തുന്നുണ്ട്.

“ഇത്തരം അക്രമികള്‍ ആദ്യം മൃഗങ്ങളെ ആക്രമിക്കുകയും പിന്നീട് അവര്‍ മനുഷ്യരിലേക്ക് തിരിയുകയും ചെയ്യും. അതുകൊണ്ടുതന്നെ ഈ കേസ് എല്ലാവരിലും ആശങ്കയുണര്‍ത്തുന്നതാണ്. ഇപ്പോള്‍ പ്രഖ്യാപിച്ചിട്ടുള്ള ഈ റിവാര്‍ഡ് യഥാര്‍ത്ഥ പ്രതിയെ പിടികൂടാന്‍ സഹായകരമാകുമെന്നാണ് ഞങ്ങള്‍ പ്രതീക്ഷിക്കുന്നത്” - എച്ച് എസ് ഐയുടെ മാനേജിംഗ് ഡയറക്ടറായ എന്‍ ജി ജയസിംഹ പറയുന്നു.