പട്ടാപ്പകൽ നടന്ന കൊലപതകം ഡൽഹി നഗരത്തെയാകെ നടുക്കിയിരിക്കുകയാണ്. റോഡ് സൈഡിൽ പാർക്ക് ചെയ്തിരുന്ന എസ്‌യുവിയുടെ അടുത്തെത്തി ഹെൽമെറ്റുകൊണ്ട് മുഖം മറച്ച യുവാവ് നിരന്തരം വെടിയുതിർക്കുകയായിരുന്നു. ധ്വാരകയിലെ റസിഡന്റ് ഏരിയയിൽ കഴിഞ്ഞ ദിവസമാണ് സംഭവം ഉണ്ടായത്. 45കാരനായ റിയൽ എസ്റ്റേറ്റ് വ്യവസായി നരേന്ദർ ഏലിയാൻ നിന്റി എന്നയാളെയാണ് അക്രമി കൊലപ്പെടുത്തിയത്.
സംഭവത്തിന്റെ സിസിടിവി ദൃശ്യങ്ങൾ ഇപ്പോൾ സാമൂഹ്യ മാധ്യമങ്ങൾ വഴി പ്രചരിക്കുന്നുണ്ട്. ഹെൽമെറ്റ് ധരിച്ചെത്തിയ അക്രമി കാറിനടുത്തെത്തി ചില്ലിന് മുന്നിൽനിന്ന് നിരന്തരം വെടിയുതിർക്കുന്നത് വീഡിയോയിൽ കാണാം. അക്രമിയെ മറികടന്ന് കാറുമായി രക്ഷപ്പെടാൻ നരേന്ദർ ശ്രമിച്ചു എങ്കിലും ആക്രമിയുടെ വെടിയേറ്റതോടെ ഇതിന് സാധിക്കാതെ വന്നു.
വെടുയേറ്റ നരേന്ദ്ര കാറിൽനിന്നും ഇറങ്ങി പ്രാണരക്ഷാർത്ഥം ഓടി എങ്കിലും സമീപത്തുണ്ടായിരുന്ന കാറിന് മുകളിൽ കയറിനിന്ന് അക്രമി വീണ്ടും വെടിയുതിർക്കുകയായിരുന്നു. പിന്നീട് പ്രതി സ്ഥലത്തുനിന്നും രക്ഷപ്പെടുകയും ചെയ്തു. നരേന്ദറിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. മൂന്ന് ബുള്ളറ്റുകൾ നരേന്ദറിന്റെ ശരീരത്തിൽ ഉണ്ടായിരുന്നു എന്ന് ഡോക്ട്ർമാർ വ്യക്തമാക്കി. സർക്കാറിനെ വിമർശിച്ചുകൊണ്ട് രാജ് ശേഖർ ജ സംഭവത്തിന്റെ സിസിടിവി ദൃശ്യം ട്വിറ്ററിലൂടെ പങ്കുവച്ചിട്ടുണ്ട്.