ആ റെക്കോർഡും വില്ലനു സ്വന്തം, മാത്യു മാഞ്ഞൂരാൻ തകർക്കുന്നു!

റെക്കോർഡുകൾ സ്വന്തമാക്കി മോഹൻലാലിന്റെ വില്ലൻ!

മോഹൻലാലിനെ നായകനാക്കി ബി ഉണ്ണികൃഷ്ണൻ സംവിധാനം ചെയ്ത വില്ലൻ തിയേറ്ററുകളിൽ എത്തിയിരിക്കുകയാണ്. മികച്ച അഭിപ്രായങ്ങളാണ് ചിത്രത്തിനു ലഭിക്കുന്നത്. മലയാള സിനിമയിലെ സകല റെക്കോഡും വില്ലന്‍ മാറ്റി എഴുതും എന്നാണ് ആരാധകർ പറയുന്നത്.

മോഹന്‍ലാലിന്റെ പേരില്‍ വയ്ക്കുന്ന ഏറ്റവും വലിയ കട്ട്ഔട്ട് എന്ന ഖ്യാതിയും വില്ലൻ സ്വന്തമാക്കിയിരിക്കുകയാണ്. കോട്ടയം മോഹന്‍ലാല്‍ ഫാന്‍സ് അസോസിയേഷനാണ് അന്‍പത് അടി ഉയരമുള്ള കട്ട്ഔട്ട് സ്ഥാപിച്ചിരിയ്ക്കുന്നത്. ഗംഭീര ആഘോഷത്തോടെയാണ് ആരാധകര്‍ വില്ലനെ സ്വീകരിച്ചത്. 

ബി ഉണ്ണികൃഷ്ണന്‍ സംവിധാനം ചെയ്ത ഈ ബിഗ്ബജറ്റ് സിനിമ ഒരു ഇമോഷണൽ ത്രില്ലറാണ്. ഇത്രയും ഗ്രാന്‍ഡായ ഒരു മലയാളം റിലീസ് മലയാള സിനിമയുടെ ചരിത്രത്തില്‍ തന്നെ ഉണ്ടായിട്ടില്ല. വിശാല്‍, ഹന്‍സിക, മഞ്ജു വാര്യര്‍, ശ്രീകാന്ത് തുടങ്ങിയ വന്‍ താരനിരയാണ് ചിത്രത്തിന്.