മമ്മൂക്കയുടെ കൂടെ അഭിനയിക്കണമെങ്കിൽ ഭാഗ്യം വേണം, ഇതിഹാസമാണ്: ആര്യ പറയുന്നു

ഇതിഹാസമാണ് മമ്മൂക്ക, മോഹൻലാലും നിവിൻ പോളിയും സുഹൃത്തുക്കളാണ്: ആര്യ പറയുന്നു

മെഗാസ്റ്റാർ മമ്മൂട്ടി ഒരു ലെജൻഡ് ആണെന്ന് നടൻ ആര്യ. ഗ്രേറ്റ് ഫാദറിൽ മമ്മൂക്കയോടൊപ്പം അഭിനയിക്കാൻ കഴിഞ്ഞത് വലിയ അനുഭവമാണെന്നും ആര്യ പറഞ്ഞു. റിപ്പോർട്ടർ ചാനലിന് നൽകിയ അഭിമുഖത്തിലാണ് ആര്യ പുതിയ ചിത്രത്തെ കുറിച്ചും മമ്മൂട്ടിയുടെ കൂടെയുള്ള അഭിനയത്തെ കുറിച്ചും വ്യക്തമാക്കുന്നത്.

മമ്മൂക്കയുടെ കൂടെ അഭിനയിച്ചപ്പോൾ ഒരുപാട് കാര്യങ്ങള്‍ പഠിക്കാനായി. അദ്ദേഹത്തോടൊപ്പമുള്ള സിനിമാ അനുഭവം വലുതാണ്. ആ രണ്ട് മാസം താന്‍ നന്നായി പഠിക്കുകയും സന്തോഷിക്കുകയും ചെയ്തുവെന്നും ആര്യ വ്യക്തമാക്കുന്നു.

പ്രിഥ്വിരാജ് തന്റെ അടുത്ത സുഹൃത്താണ്. ഉറുമിയിലെയും ഡബിള്‍ബാരലിലെയും ഒന്നിച്ചുള്ള അഭിനയം വഴിയാണിത്. ജയറാമും നിവിന്‍പോളിയും മോഹന്‍ലാലും മമ്മൂട്ടിയും ഉള്‍പ്പെടെയുള്ളവരും തന്റെ അടുത്ത സുഹൃത്താണെന്നും  പറയുന്നു.