നടിയെ ആക്രമിച്ച കേസിൽ ജനപ്രിയ നടൻ ദിലീപിനെ അറസ്റ്റ് ചെയ്ത വാർത്ത ഞെട്ടലോടെയാണ് കേരളം കേട്ടത്. കേസിൽ ജാമ്യം ലഭിച്ച് ദിലീപ് പുറത്തിറങ്ങിയെങ്കിലും താരത്തിനെ എതിർക്കുന്നവരുടെ ഒരു വൻ പട തന്നെ മലയാള സിനിമയിൽ ഉണ്ട്.
മുരളി ഗോപിയുടെ തിരക്കഥയിൽ പരസ്യ ചിത്രങ്ങളിലൂടെ ശ്രദ്ധേയനായ രതീഷ് അമ്പാട്ട് സംവിധാനം ചെയ്യുന്ന കുമ്മാരസംഭവത്തിൽ അഭിനയിച്ചു കൊണ്ടിരിക്കുമ്പോഴാണ് താരത്തെ പൊലീസ് അറസ്റ്റ് ചെയ്തത്. തെന്നിന്ത്യൻ താരം സിദ്ധാർത്ഥും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ഇപ്പോഴിതാ, കുമ്മാരസംഭവത്തിൽ നിന്നും പിന്മാറണമെന്നും ദിലീപിനൊപ്പം അഭിനയിക്കരുതെന്നും സിദ്ധാർത്ഥിനു മേൽ സിനിമ മേഖലയിലുള്ളവർ സമ്മർദ്ദം ചെലുത്തുന്നതായി റിപ്പോർട്ട്. സഹപ്രവര്‍ത്തകയെ ആക്രമിച്ച ദിലീപിനോടൊപ്പം അഭിനയിക്കരുതെന്ന തരത്തിലാണ് സിദ്ധാര്‍ത്ഥിന് മേല്‍ കടുത്ത സമ്മര്‍ദ്ദമുണ്ടായത്.
എന്നാല്‍ എല്ലാ വെല്ലുവിളികളെയും ധീരമായി നേരിട്ടാണ് സിദ്ധാര്‍ത്ഥ് ദിലീപിനൊപ്പം അഭിനയിക്കാന്‍ എത്തുന്നത്. സമ്മര്‍ദ്ദങ്ങളെ അതിജീവിച്ച് ചിത്രത്തില്‍ അഭിനയിക്കാന്‍ താരം തീരുമാനിക്കുകയായിരുന്നു. നമിത പ്രമോദാണ് ചിത്രത്തില്‍ നായികയായി എത്തുന്നത്.