മലയാളികളുടെ സ്വന്തം മോഹന്‍ലാനിലെ ‘ഛോട്ടാ ഭീമെന്ന്’ കളിയാക്കിയതിലൂടെയാണ് കെ ആര്‍ കെ എന്ന കമാല്‍ ആര്‍ ഖാനെ മലയാളികള്‍ അറിഞ്ഞത്. ബോളിവുഡിന്റെ സ്വയം പ്രഖ്യാപിത വിമര്‍ശകനാണ് കെ ആര്‍ കെ. മോഹന്‍ലാലിന് പിന്നാലെ ആമിര്‍ ഖാനേയും മമ്മൂട്ടിയേയും ബാഹുബലിയേയും ഇയാള്‍ വിമര്‍ശിച്ചിരുന്നു.
ഇപ്പോഴിതാ, തമിഴരുടെ സ്വന്തം ‘തല’യെ പുച്ഛിക്കുകയാണ് കെആര്‍കെ. ബോളിവുഡിലായിരുന്നെങ്കില്‍ ഈ പ്രായത്തില്‍ അജിത്തിന് അച്ഛന്‍ വേഷങ്ങള്‍ മാത്രമേ കിട്ടുമായിരുന്നുള്ളുവെന്ന് കെ ആര്‍ കെ ട്വീറ്റ് ചെയ്തു. എനിക്ക് എത്ര ആലോചിച്ചിട്ടും മനസ്സിലാകുന്നില്ല. തമിഴ്നാട്ടുകാര്‍ എന്തിനാണ് ഇപ്പോഴും നിങ്ങളെയൊക്കെ നായകന്മാര്‍ ആക്കുന്നത്? നിങ്ങളെപ്പോലുള്ള വയസ്സന്മാര്‍ എന്തുചെയ്യാനാണ് എന്നും കെആര്‍കെ പരിഹാസരൂപേണ ചോദിക്കുന്നു.
നേരത്തേ മോഹന്‍ലാലിനെ ഛോട്ടാ ഭീമെന്നും മമ്മൂട്ടിയെ സി ക്ലാസ് നടനെന്നും വിളിച്ച് കളിയാക്കിയ കെആര്‍കെയെ മലയാളികള്‍ കയറിയങ്ങ് മേഞ്ഞായിരുന്നു. നടിമാരുടെ ശരീരത്തെ പരിഹസിച്ചും ഇയാള്‍ ട്വീറ്റ് എഴുതാറുണ്ട്. എന്നാല്‍, ആരും ഇതിന് വില കൊടുക്കാതെ തള്ളുകയാണ് ചെയ്യാറ്.