ബാഹുബലിയെ തോല്‍പ്പിക്കാനൊരുങ്ങിയ ഭല്ലാലദേവന്‍ നായകനാകുന്നു! നായിക തെന്നിന്ത്യന്‍ താരസുന്ദരി!!!

ബാഹുബലിയിലെ വില്ലന്‍ വീണ്ടും എത്തുന്നു !

ബാഹുബലിയിലെ വില്ലന്‍ കഥാപാത്രമായി പ്രേക്ഷകരുടെ മനസില്‍ ഇടംപിടിച്ച താരമാണ് റാണ ദഗ്ഗുപതി. ബാഹുബലിയില്‍ അഭിനയിച്ചതിന് ശേഷം പ്രശസ്തിയിലേക്ക് ഉയര്‍ന്ന ഈ പ്രിയ നടന്‍ ഇപ്പോള്‍ പുതിയ ചിത്രത്തില്‍ അഭിനയിക്കേണ്ട തിരക്കിലാണ്.

ബാഹുബലിയിലെ വില്ലന്‍ കഥാപാത്രമായ ഭല്ലാലദേവന്റെ വേഷമാണ് അഭിനയിച്ചിരുന്നതെങ്കിലും പ്രേക്ഷകര്‍ക്ക് പ്രിയങ്കരനായി മാറാന്‍ അദ്ദേഹത്തിന് കഴിഞ്ഞിരുന്നു. ചെന്നൈ സ്വദേശിയാണ് റാണ. സിനിമ നടന്‍ എന്നതിന് മുമ്പ് നിര്‍മ്മാതാവും ഫോട്ടോഗ്രഫര്‍ തുടങ്ങി സിനിമയിലെ അണിയറ പ്രവര്‍ത്തനമെല്ലാം ചെയ്തിരുന്നു.    

ബാഹുബലി എന്ന ചിത്രത്തിലെ വളരെ ശ്രദ്ധപ്പിടിച്ചിരുന്ന ഒരു കഥാപാത്രമായിരുന്നു റാണയുടെത്. തേജ സംവിധാനം ചെയ്യുന്ന 'നെനെ രാജു നെനെ മന്ത്രി' എന്ന സിനിമയിലാണ് ബാഹുബലിക്ക് ശേഷം റാണ അഭിനയിക്കുന്നത്. സിനിമയില്‍ കാജല്‍ അഗര്‍വാളാണ് നായികയായി എത്തുന്നത്. ഇതില്‍ രാഷ്ട്രീയക്കാരന്റെ വേഷമാണ് റാണ അഭിനയിക്കുന്നതെന്നാണ് പുറത്ത് വരുന്ന വിവരങ്ങള്‍.