ഭീമനെ മികച്ച കഥാപാത്രമാക്കാൻ മോഹൻലാലിന് വി ടി ബൽറാമിന്റെ വക ഉപദേശം!

ഭീമനെ കരുത്തുറ്റതാക്കണോ? മോഹൻലാലിന് ഉപദേശവുമായി വി ടി ബൽറാം!

മോഹൻലാലിന്റെ കരിയറിലെ ഏറ്റവും മികച്ച സിനിമയായി മാറും രണ്ടാമൂഴം എന്ന കാര്യത്തിൽ ആർക്കും സംശയം ഇല്ല. ആയിരം കോടി മുടക്കി എം.ടിയുടെ നോവൽ ‘രണ്ടാമൂഴം’ മഹാഭാരതമെന്ന പേരിൽ സിനിമയാക്കുമ്പോൾ ഭീമനായി എത്തുന്ന മോഹൻലാലിന് ഉപദേശവുമായി വി ടി ബൽറാം എം എൽ എ

ബഹുമാനപ്പെട്ട ശ്രീ. മോഹൻലാൽ, ഡോ. സുനിൽ പി ഇളയിടത്തിന്റെ ‘മഹാഭാരതം: സാംസ്കാരിക ചരിത്രം’ എന്ന പ്രഭാഷണ പരമ്പര നിർബന്ധമായും താങ്കൾ ​കേൾക്കണം’ എന്നാണ് ബൽറാം തന്റെ ഫേസ്‌ബുക്ക് പേജിൽ കുറിച്ചിരിക്കുന്നത്.  

‘യൂട്യൂബിലൂടെ താങ്കൾ ആ പ്രഭാഷണം കേട്ടിട്ടുണ്ടെന്ന് വിശ്വസിക്കുന്നു. ഇനി അഥവാ തിരക്കുകൾക്കിടയിൽ താങ്കൾക്കത്‌ കേൾക്കാൻ ഇതുവരെ സാധിച്ചിട്ടില്ലെങ്കിൽ ഇനിയെങ്കിലും അതിന്‌ സമയം കണ്ടെത്തണം’ ബൽറാമി​​​െൻറ അഭ്യർത്ഥനയാണിത്​.‘രണ്ടാമൂഴം’ നോവൽ മഹാഭാരതമെന്ന പേരിൽ സിനിമയാക്കിയാൽ തിയറ്റർ കാണില്ലെന്ന്​ വിശ്വഹിന്ദു പരിഷത്ത്​ നേതാവ്​ കെപി ശശികല ഭീഷണിയുയർത്തിയ സാഹചര്യത്തിലാണ്​ ത​​​ഫേസ്​ബുക്ക്​ പേജിലൂടെ മോഹൻലാലിന്​ ബൽറാം ഉപദേശം നൽകുന്നത്​.

മഹാഭാരതത്തി​​​െൻറ സാംസ്​കാരിക ചരിത്രത്തെക്കുറിച്ച്​ ഇടതു ചിന്തകനും എഴു​ത്തുകാരനും അധ്യാപകനുമായ സുനിൽ പി. ഇളയിടം നടത്തിവരുന്ന പ്രഭാഷണ പരമ്പര ഏറെ ചർച്ചയായിക്കൊണ്ടിരിക്കുകയാണ്​. രണ്ട്​ രീതിയിൽ ഈ പ്രഭാഷണം മോഹൻലാലിന്​ പ്രയോജനപ്പെടുമെന്ന്​ ബൽറാം പറയുന്നു.

ഒന്ന്​: ഭീമ​​​ന്റെ കഥാപാത്രത്തെ കൂടുതൽ ആഴത്തിലുൾക്കൊള്ളാൻ ആ പ്രഭാഷണം സഹായിക്കും. അതിലൂടെ മോഹൻലാലിന്റെ എക്കാലത്തെയ​ും മികച്ച കഥാപാത്രമായി എം.ടിയുടെ ഭീമൻ മാറും.

രണ്ട്​: സിനിമക്ക്‌ മഹാഭാരതമെന്ന് പേരിട്ടാൽ തിയറ്റർ കാണില്ലെന്ന്​ ആക്രോശിച്ച്​ വെല്ലുവിളിക്കുന്ന കെ.പി. ശശികലക്കും ഹിന്ദു ഐക്യവേദിക്കും ബ്ലോഗിലൂടെയോ മറ്റോ മറുപടി നൽകാനുദ്ദേശിക്കുന്നുണ്ടെങ്കിൽ അതിനും ആ പ്രഭാഷണം ഉപകരിക്കും. ‘താങ്കളുടെയും ശശികലയുടേയും മ്യൂച്വൽ ഫ്രണ്ട്സ്‌ ആയ പല സംഘികൾക്കും മനസ്സിലാക്കിക്കൊടുക്കാൻ വേണ്ടിയുള്ള ആ മനോഹരമായ ബ്ലോഗ്‌ പോസ്റ്റിന്‌ വേണ്ടി ഞങ്ങൾ കാത്തിരിക്കുന്നു’ എന്ന്​ പറഞ്ഞാണ്​ ബൽറാം ത​​​ന്റെ പേസ്​റ്റ്​ അവസാനിപ്പിക്കുന്നത്​.