മമ്മൂട്ടി നായകനാകുന്ന പുതിയ സിനിമയ്ക്ക് നിര്‍മ്മാണച്ചെലവ് 30 കോടി. അനവധി മാസങ്ങള്‍ ചിത്രീകരണം വേണ്ടിവരുന്ന സിനിമ അടുത്ത വര്‍ഷം ചിത്രീകരണം ആരംഭിക്കും.
അടൂര്‍ ഗോപാലകൃഷ്ണന്‍റെ ശിഷ്യന്‍ സജീവ് പിള്ള സംവിധാനം ചെയ്യുന്ന പ്രൊജക്ടിന് പേര് ‘മാമാങ്കം’ എന്നാണ്. മമ്മൂട്ടിയുടെ കരിയറിലെ തന്നെ ഏറ്റവും വലിയ സിനിമയാണിത്. വള്ളുവനാട്ടിലെ ചാവേര്‍ പോരാട്ടങ്ങളുടെ കഥ പറയുന്ന ചിത്രത്തില്‍ ഒട്ടേറെ സംഘര്‍ഷഭരിതമായ മുഹൂര്‍ത്തങ്ങളും ആക്ഷന്‍ രംഗങ്ങളുമുണ്ട്.
12 വര്‍ഷത്തെ പരിശ്രമഫലമായാണ് സജീവ് പിള്ള മാമാങ്കത്തിന്‍റെ തിരക്കഥ തയ്യാറാക്കിയത്. മമ്മൂട്ടിക്ക് ദേശീയ തലത്തില്‍ അംഗീകാരങ്ങള്‍ നേടിക്കൊടുക്കാന്‍ കെല്‍പ്പുള്ള കഥാപാത്രമായിരിക്കും ഈ സിനിമയിലേത്.
വേണു കുന്നപ്പള്ളി നിര്‍മ്മിക്കുന്ന സിനിമയില്‍ ഇന്ത്യയിലെ വമ്പന്‍ താരങ്ങള്‍ അണിനിരക്കും. ഹോളിവുഡില്‍ നിന്നുള്ള സാങ്കേതികവിദഗ്ധരും ഈ പ്രൊജക്ടിനോട് സഹകരിക്കും.
വടക്കന്‍ വീരഗാഥയ്ക്കും പഴശ്ശിരാജയ്ക്കും ശേഷം മമ്മൂട്ടിയുടെ കിടിലന്‍ പെര്‍ഫോമന്‍സിന് മാമാങ്കം വേദിയാകുമെന്ന് പ്രതീക്ഷിക്കാം.