ലിജോ മോളോട് ശരിക്കും വല്ലാത്ത പ്രണയം തോന്നിപ്പോയി; അസ്കര്‍ അലി തുറന്നു പറയുന്നു

ഇടുക്കിയിലെ ഭംഗി അതുപോലെ എടുത്തുവെച്ചൊരു പെണ്‍കുട്ടിയാണ് ലിജോ മോള്‍

ചേട്ടന്‍ ആസിഫ് അലിയുടെ പിന്നാലെ അനിയന്‍ അസ്കര്‍ അലിയും സിനിമയിലെത്തിയിരിക്കുകയാണ്. ഹണീബി 2.5 എന്ന ചിത്രത്തിലൂടെയാണ് അസ്‌കറിന്റെ അരങ്ങേറ്റം. മഹേഷിന്റെ പ്രതികാരം, കട്ടപ്പനയിലെ ഋത്വിക് റോഷന്‍ എന്നീ ചിത്രങ്ങളിലെ നായികയായി തിളങ്ങിയ ലിജോമോളാണ് ചിത്രത്തില്‍ അസ്കറിന്റെ നായിക.

ചിത്രത്തിന്റെ ലൊക്കേഷനിലെ രസകരമായ അനുഭവങ്ങളെ കുറിച്ച് ഒരു അഭിമുഖത്തില്‍ സംസാരിക്കവേ അസ്കര്‍ ലിജോയോട് ശരിക്കും പ്രണയം തോന്നിപ്പോയെന്ന് പറയുന്നത്. ഷൂട്ടിങ്ങ് സെറ്റില്‍ ലിജോയും അസ്‌കറും ഒരുമിച്ചിരിക്കുന്നത് കാണുമ്പോള്‍ ആസിഫ് അലി ഉള്‍പ്പെടെയുള്ളവര്‍ തങ്ങളെ കമിതാക്കള്‍ എന്ന് വിളിച്ചിട്ടുണ്ടെന്നും അസ്കര്‍ പറയുന്നു.

സംവിധായകന്‍ ഷൈജു ചേട്ടനാണ് ചിത്രത്തിലെ നായിക ലിജോ ആണെന്ന് പറയുന്നത്. നേരിട്ട് കണ്ടപ്പോള്‍ ഇടുക്കിയെ ഭംഗി അതുപോലെ എടുത്തു വച്ചൊരു പെണ്‍കുട്ടി ആയിട്ടാണ് ലിജോയെ തോന്നിയതെന്ന് അസ്കര്‍ പറയുന്നു. അഭിനയത്തിന്റെ കാര്യത്തില്‍ ലിജോയ്ക്ക് ഒരു 'ഗിവ് ആന്റ് ടേക്ക്' ഉണ്ടായിരുന്നു. വളരെ സപ്പോര്‍ട്ടീവാണ്. അസ്‌കര്‍ അലിക്ക് ലിജോമോളോട് ഭയങ്കരമായി പ്രണയം തോന്നിപ്പോയി എന്ന് നടന്‍ പറയുന്നു.