സൌന്ദര്യമെന്നാല്‍ മമ്മൂട്ടിയാണ്, സിനിമ മാത്രമല്ല കാരണം: സലിം കുമാര്‍

ജീവിതത്തില്‍ ഒരു കരടും മമ്മൂട്ടി വീഴ്ത്തിയിട്ടില്ല: സലിം കുമാര്‍

മെഗാസ്റ്റാര്‍ മമ്മൂട്ടിയുടെ സൌന്ദര്യത്തെ കുറിച്ച് എല്ലാവര്‍ക്കും മതിപ്പാണ്. നിത്യയൌവ്വനമെന്ന് പറഞ്ഞാല്‍ അത് മമ്മൂട്ടിയാണ്. രഹസ്യം എന്താണെന്ന് അറിയാമെങ്കിലും ഏതൊരു അഭിമുഖത്തിലും ‘മമ്മൂക്കയുറ്റെ ഈ ജ്വലിക്കുന്ന സൌന്ദര്യത്തിനു പിന്നിലെന്താണ്’ എന്ന് ചോദിച്ചില്ലെങ്കില്‍ അവതാരകര്‍ക്ക് അഭിമുഖം അവസാനിപ്പിക്കാന്‍ കഴിയില്ല എന്നായിരിക്കുകയാണ്. എവിടെ ചെന്നാലും മെഗാസ്റ്റാര്‍ അഭിമുഖീകരിക്കുന്ന ഒരു ചോദ്യമാണിത്. 

ഇപ്പോഴിതാ, മമ്മൂട്ടിയുടെ സൌന്ദര്യത്തെ കുറിച്ച് പറയുകയാണ് നടന്‍ സലിം കുമാര്‍. സൌന്ദര്യമെന്നാല്‍ മമ്മൂട്ടിയാണെന്നാണ് സലിം കുമാര്‍ പറയുന്നത്. അതിനൊരു കാരണവുമുണ്ടത്രേ. സിനിമയില്‍ മമ്മൂട്ടി അവതരിപ്പിച്ച കഥാപാത്രങ്ങള്‍ എല്ലാം സൌന്ദര്യം തുളുമ്പുന്നവയാണ്. കുടുംബനാഥനും, കാമുകനും, ഭര്‍ത്താവും, ചരിത്ര പുരുഷനും എല്ലാം മാതൃകാ പുരുഷനായിട്ടായിരുന്നു അദ്ദേഹം അവതരിപ്പിച്ചിട്ടുള്ളത്. 

സിനിമയില്‍ മാത്രമല്ല, ജീവിതത്തിലും അദ്ദേഹം ഒരു കരടും വീഴ്ത്തിയിട്ടില്ലെന്ന് അദ്ദേഹം പറയുന്നു. വെളുവെളെ വെളുത്തിരിക്കുന്നതല്ല സൌന്ദര്യമെന്നും മനസ്സിനും ഒരു സൌന്ദര്യമുണ്ടെന്നും അദ്ദേഹം പറയുന്നു.