ആദം ജോണിനുശേഷം ഭാവന മലയാളത്തില്‍ സിനിമ ചെയ്തിട്ടില്ല, അഞ്ചു വര്‍ഷങ്ങള്‍ക്കു മുമ്പത്തെ ഓര്‍മ്മകളുമായി ഛായാഗ്രഹകന്‍ ജിത്തു ദാമോദര്‍

വര്‍ഷങ്ങള്‍ക്കുശേഷം ഭാവനയുടെ മലയാളത്തിലേക്കുള്ള തിരിച്ചുവരവിനായി കാത്തിരിക്കുകയാണ് ആരാധകര്‍. 'ആദം ജോണ്‍' എന്ന ചിത്രത്തിനു ശേഷം മലയാളത്തില്‍ ഒരു സിനിമയും ഭാവന ചെയ്തിട്ടില്ല.ഭാവനയുടെ തിരിച്ചുവരവ് അടയാളപ്പെടുത്തുന്ന പുതിയ ചിത്രം 'ന്റിക്കാക്കക്കൊരു പ്രേമോണ്ടാര്‍ന്ന്' ഒരുങ്ങുകയാണ്. ഇപ്പോഴിതാ ആദം ജോണ്‍ ഓര്‍മ്മകള്‍ പങ്കുവെക്കുകയാണ് ഛായാഗ്രഹകന്‍ ജിത്തു ദാമോദര്‍.

' 5 വര്‍ഷം മുമ്പ് ഈ ദിവസം ആദം ജോന്‍ സ്വിച്ച് ഓണ്‍ ചെയ്തു! ഒരുപാട് ഓര്‍മ്മകളോടും വെല്ലുവിളികളോടും കൂടി അത് ഇപ്പോഴും എന്റെ പേഴ്‌സണല്‍ ഫേവറേറ്റ് ആയി നിലനില്‍ക്കുന്നു.

സ്‌കോട്ട്‌ലന്‍ഡിലെ തണുത്തതും ഇരുണ്ടതുമായ ആ രാത്രികള്‍ ഇപ്പോഴും എന്റെ ഹൃദയത്തില്‍ നിലനില്‍ക്കുന്നു'-ജിത്തു ദാമോദര്‍ കുറിച്ചു.

പൃഥ്വിരാജിനെ നായകനാക്കി ജിനു എബ്രഹാം സംവിധാനം ചെയ്ത് 2017 സെപ്റ്റംബര്‍ ഒന്നിനാണ് ചിത്രം റിലീസ് ആയത്.ഭാവന, മിഷ്ടി ചക്രവര്‍ത്തി, നരേന്‍, മണിയന്‍പിള്ളരാജു, സിദ്ദിഖ്, ലെന, കെപിഎസി ലളിത, രാഹുല്‍ മാധവ്, സിദ്ധാര്‍ത്ഥ് ശിവ തുടങ്ങിയ താരനിര ചിത്രത്തില്‍ ഉണ്ടായിരുന്നു.