ഒടുവില്‍ പിടികൂടി, ലക്ഷങ്ങള്‍ നഷ്‌ടമാകും; മഹേഷ്​ബാബുവിന്റെ ബാങ്ക് അക്കൗണ്ടുകള്‍ മരവിപ്പിച്ചു

നികുതി അടയ്‌ക്കുന്നതില്‍ പിഴവ് വരുത്തിയ തെലുങ്ക് സൂപ്പര്‍സ്‌റ്റാര്‍ മഹേഷ്​ബാബുവിന്റെ ബാങ്ക് അക്കൌണ്ടുകള്‍ മരവിപ്പിച്ചു. 

2007 - 2008 സാമ്പത്തിക വർഷത്തിൽ നികുതി കുടിശിക വരുത്തിയതിനാണ് താരത്തിന്റെ ആക്‌സിസ്​, ഐസിഐസിഐ എന്നീ ബാങ്കുകളുടെ അക്കൗണ്ടുകള്‍ മരവിപ്പിച്ചത്​​. ഹൈദരാബാദ്​ജിഎസ്ടി കമ്മീഷണർ പത്രകുറുപ്പിലുടെയാണ് ഇക്കാര്യം അറിയിച്ചത്.

18.5 ലക്ഷമാണ്​മഹേഷ്​ബാബു കുടിശികയിനത്തില്‍ നൽകാനുണ്ടായിരുന്നത്​. എന്നാൽ,​പലിശയും പിഴയും ​ചേർത്ത്​ 73.5 ലക്ഷം രൂപ ഇപ്പോൾ നൽകണം.

ആക്‌സിസ്​ബാങ്കിൽ നിന്ന്​ 42 ലക്ഷം രൂപയും ഐസിഐസിഐ ബാങ്കിൽ നിന്ന്​ശേഷിക്കുന്ന തുകയും ഈടാക്കുമെന്ന് നികുതി വകുപ്പ്​അറിയിച്ചു.