നടന്‍ വിശാലിന് വിവാഹം ? വധു തമിഴ് സിനിമയില്‍ നിന്ന് !

നടന്‍ വിശാലിന്റെ വിവാഹ വാര്‍ത്തയാണ് സോഷ്യല്‍ മീഡിയയില്‍ നിറയുന്നത്.നടി ലക്ഷ്മി മേനോനെ വിശാല്‍ വിവാഹം ചെയ്യുമെന്നാണ് റിപ്പോര്‍ട്ടുകള്‍. 

45 വയസ്സുള്ള വിശാല്‍ 27കാരിയായ ലക്ഷ്മിയെ കല്യാണം കഴിക്കാന്‍ പോകുന്നു എന്ന വാര്‍ത്തകള്‍ തമിഴ് മാധ്യമങ്ങളാണ് റിപ്പോര്‍ട്ട് ചെയ്യുന്നത്. 

ഒരു മലയാളി ബിസിനസുകാരനുമായി ലക്ഷ്മി മേനോന്‍ പ്രണയത്തിലാണെന്ന് വാര്‍ത്തകള്‍ നേരത്തെ പ്രചരിച്ചിരുന്നു. കുറച്ചുനാളുകള്‍ക്ക് മുമ്പ് ഒരു പ്രമുഖ നടിയുമായി വിശാലിന്റെ വിവാഹ നിശ്ചയം വരെ നടന്നിരുന്നു എന്നും അത് മുടുങ്ങിപ്പോയൊന്നും കേള്‍ക്കുന്നു.

കുംകി, സുന്ദര പാണ്ഡിയന്‍, കുട്ടി പുലി, ജിഗര്‍താണ്ട, മഞ്ച പൈ, കൊമ്പന്‍, റെക്കൈ, വേതാളം തുടങ്ങി നിരവധി ചിത്രങ്ങളില്‍ ലക്ഷ്മി അഭിനയിച്ചിട്ടുണ്ട്. ദിലീപിന്റെ കൂടെ അവതാരം എന്ന മലയാള ചിത്രത്തിലും താരം അഭിനയിച്ചിരുന്നു.ഭോല ശങ്കര്‍, ചന്ദ്രമുഖി 2 തുടങ്ങിയ ചിത്രങ്ങളാണ് നടിയുടെ ഇനി വരാനിരിക്കുന്നത്.