50 ദിവസം പിന്നിട്ട് 'ആടുജീവിതം',സന്തോഷം പങ്കുവെച്ച് നിര്‍മ്മാതാക്കള്‍

ബ്ലെസി സംവിധാനം ചെയ്ത 'ആടുജീവിതം' തിയേറ്ററുകളില്‍ എത്തി 50 ദിവസം പിന്നിട്ടു. പൃഥ്വിരാജ് സുകുമാരന്‍ പ്രധാന കഥാപാത്രത്തെ അവതരിപ്പിച്ച ചിത്രം മാര്‍ച്ച് 28 നാണ് റിലീസ് ചെയ്ത്.

 ചിത്രം തിയറ്ററുകളില്‍ 50 ദിവസം പൂര്‍ത്തിയാക്കി സന്തോഷം നിര്‍മ്മാതാക്കള്‍ പങ്കുവെച്ചു.പ്രത്യേക പോസ്റ്റര്‍ നിര്‍മ്മാതാക്കള്‍ പുറത്തുവിട്ടു.മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലാണ് ചിത്രം റിലീസ് ആയത്.

2024 ല്‍ ഏറ്റവും കൂടുതല്‍ ഓപ്പണിങ് കളക്ഷന്‍ നേടിയ മലയാള ചിത്രമായി ആടുജീവിതം മാറിക്കഴിഞ്ഞു.മോഹന്‍ലാല്‍ ചിത്രം മലൈക്കോട്ടൈ വാലിബന്റെ കേരള ബോക്‌സ് ഓഫീസില്‍ 5.85 കോടി ആയിരുന്നു നേടിയത്. ഇത് പൃഥ്വിരാജിന്റെ ആടുജീവിതം തകര്‍ത്തു.3.35 കോടി നേടിയ മഞ്ഞുമ്മല്‍ ബോയ്‌സാണ് നിലവില്‍ മൂന്നാം സ്ഥാനത്ത്.ഏപ്രില്‍ 6 ന് ചിത്രം ലോകമെമ്പാടുമായി 100 കോടി കടന്നതായി നിര്‍മ്മാതാക്കള്‍ ഔദ്യോഗികമായി അറിയിച്ചു.