കട്ടപ്പയോട് വിരോധം, ബാഹുബലി കർണാ‌ടകയിൽ റിലീസ് ചെയ്യില്ല?

ബാഹുബലി റിലീസ് ചെയ്യില്ല?!

ഇന്ത്യൻ സിനിമ കാത്തിരിക്കുന്നത് ഏത് ചിത്രത്തിന് വേണ്ടിയാണെന്ന് ചോദിച്ചാൽ ഒരുത്തരമേ ഉള്ളു. ബാഹുബലി 2. രാജമൗലിയുടെയും പ്രബാസിന്റേയും അടക്കം നിരവധി പേരുടെ പ്രയത്നത്തിന്റെ ഫലമായ ബാഹുബലി 2 ഏപ്രിൽ മാസത്തിലാണ് റിലീസ് ചെയ്യാനിരിക്കുന്നത്. എന്നാൽ, ചിത്രത്തിന്റെ അണിയറ പ്രവർത്ത‌കരെ പ്രതിസന്ധിയിലാഴ്ത്തുന്ന വാർത്തയാണ് ഇപ്പോൾ പുറത്തുവരുന്നത്.

ബാഹുബലി 2 കർണാടകയിൽ റിലീസ് ആകുമെന്ന് തോന്നുന്നില്ല. കാവേരി നദീജല പ്രശ്നങ്ങൾ തന്നെ കാരണം. പക്ഷേ സിനിമയോടല്ല കർണാടകയിലെ ജനങ്ങൾക്ക് ദേഷ്യം. ബാഹുബലിയിലെ കട്ടപ്പയായി അഭിനയിച്ച സത്യരാജിനോടാണ്. സത്യരാജ് തമിഴനായതിനാല്‍ മാത്രമല്ല പ്രശ്‌നം. കര്‍ണാടക നദീജല വിഷയത്തില്‍ സത്യരാജ് തമിഴ്‌നാടിനനുകൂലമായി സംസാരിച്ചത്രെ. 

ബാഹുബലി റിലീസിനെ ഇത് കാര്യമായി ബാധിക്കാനുമിടയുണ്ട്. ബെല്ലാരിയിലെ ഒരു തിയേറ്ററില്‍നിന്ന് ബാഹുബലിയുടെ ട്രെയിലര്‍ മാറ്റുകയും ചെയ്തു. മാത്രമല്ല ചിത്രം റിലീസ് ചെയ്യരുതെന്ന് ആവശ്യപ്പെട്ട് ചില സംഘടനകൾ ഫിലിം ചേമ്പറിനെ സമീപിക്കുകയും ചെയ്തിരിക്കുകയാണ്.