അന്താരാഷ്ട്ര തലത്തിൽ ശ്രദ്ധിക്കപ്പെട്ട രാജമൗലി ചിത്രമാണ് ബാഹുബലി. പ്രേക്ഷകരെ ആവേശത്തിന്റെ മുൾമുനയിൽ നിർത്തിയാണ് സിനിമയുടെ ആദ്യഭാഗം സംവിധായകനായ എസ് എസ് രാജമൗലി അവസാനിപ്പിച്ചതും. എന്തിനാണ് കട്ടപ്പ ബാഹുബലിയെ കൊന്നത്? ആ ഒരു ചോദ്യം ഓരോ പ്രേക്ഷകന്റേയും ഉള്ളിൽ ഉണ്ട്. രാജമൗലി ബാഹുബലിയുടെ മൂന്നാംഭാഗം എടുക്കുകയാണെങ്കിൽ അഭിനയിക്കാൻ തയ്യാറാണെന്ന് ഗ്ലാമർ സുന്ദരി കാജൽ അഗർവാൾ തുറന്നു പറയുകയാണ്.
ബാഹുബലി 3യിലേക്ക് വിളിക്കുകയാണെങ്കിൽ എന്ത് നഷ്ടപ്പെടുത്തിയിട്ടും താൻ അതിൽ അഭിനയിക്കുമെന്ന് കാജൽ പറയുന്നു. ലോകത്തുള്ള മറ്റെന്തും വേണ്ടെന്ന് വെക്കുമെന്നും അത്രത്തോളം ആ സിനിമ തന്നെ മോഹിപ്പിക്കുന്നുവെന്നും കാജൽ വ്യ‌ക്തമാക്കി. ബാഹുബലി പോലുള്ള സിനിമകൾ അത്ഭുതമാണെന്നും അത് വല്ലപ്പോഴും മാത്രം സംഭവിക്കുന്നതാണെന്നും കാജൽ പറഞ്ഞു.
കാജലിന്റെ ഈ തുറന്നു പറച്ചിൽ കേട്ട് രാജമൗലി ആ ആഗ്രഹം നടത്തിയേക്കാമെന്ന് വിചാരിക്കുമോ? അങ്ങനെയെങ്കിൽ ബാഹുബലിക്ക് മൂന്നാംഭാഗം ഉണ്ടാകുമോ എന്നും ആരാധകർ ചോദിക്കുന്നു. സിനിമാ പ്രേമികള്‍ ആകാംക്ഷയോടെ കാത്തിരിക്കുന്ന ബ്രഹ്മാണ്ഡ ചിത്രം ബാഹുബലി 2വിന്‍റെ റിലീസ് അടുത്ത വർഷം ഏപ്രിലിലാണ്.