ചാവേറുകളുടെ കഥ, അര്‍ജുന്‍ അശോകനും ആന്റണി വര്‍ഗീസും കൂടെ ചാക്കോച്ചനും, ട്രെയിലര്‍ പുറത്തിറക്കാന്‍ മോഹന്‍ലാല്‍

മുമ്പ് ചെയ്തിട്ടുള്ള രണ്ട് സിനിമകളും വലിയ ഹിറ്റാക്കി മാറ്റിയ സംവിധായകന്‍ ടിനു പാപ്പച്ചന്‍ ഒരുക്കുന്ന മൂന്നാമത്തെ ചിത്രം ചാവേര്‍ റിലീസിന് ഒരുങ്ങുകയാണ്. കുഞ്ചാക്കോ ബോബന്‍, ആന്റണി വര്‍ഗീസ്, അര്‍ജുന്‍ അശോകന്‍ എന്നിവര്‍ കേന്ദ്ര കഥാപാത്രങ്ങള്‍ എത്തുന്ന സിനിമയുടെ ട്രെയിലര്‍ ലോഞ്ച് ഇന്ന് നടക്കും.മോഹന്‍ലാലിന്റെ സോഷ്യല്‍മീഡിയ പേജുകളിലൂടെ ട്രെയിലര്‍ റിലീസ് ചെയ്യും.

എന്തും ഏതും മുന്നും പിന്നും നോക്കാതെ ചെയ്യാന്‍ മനസ്സുള്ള ചാവേറുകളുടെ കഥ പറയുന്ന ചിത്രം കണ്ണൂരിലെ രാഷ്ട്രീയ കൊലപാതകങ്ങളും വന്യമായ മനസ്സുള്ള ചില മനുഷ്യരും അവരുടെ ജീവിത വഴികളിലെ ചോര ചിന്തുന്ന സംഭവങ്ങളും ഒക്കെയാണ് പറയുന്നത്.

സ്വാതന്ത്ര്യം അര്‍ധരാത്രിയില്‍, അജ?ഗജാന്തരം എന്നീ സൂപ്പര്‍ ഹിറ്റ് ചിത്രങ്ങള്‍ക്ക് ശേഷം ടിനു പാപ്പച്ചന്‍ സംവിധാനം ചെയ്യുന്ന മൂന്നാമത്തെ സിനിമ കൂടിയാണിത്. 

നടനും സംവിധായകനുമായ ജോയ് മാത്യു തിരക്കഥ ഒരുക്കുന്നു. അരുണ്‍ നാരായണ്‍, വേണു കുന്നപ്പിള്ളി എന്നിവര്‍ ചേര്‍ന്നാണ് നിര്‍മ്മിക്കുന്നത്. ഛായാഗ്രഹണം: ജിന്റോ ജോര്‍ജ്ജ്, എഡിറ്റര്‍: നിഷാദ് യൂസഫ്, സംഗീതം: ജസ്റ്റിന്‍ വര്‍ഗീസ്.